ବୟସ ବଢ଼ିଲେ ଶରୀରରେ ଅନେକ ପ୍ରକାର ସ୍ବାସ୍ଥ୍ୟ ସମସ୍ୟା ଦେଖାଯାଏ। ଏପରିକି ଚର୍ବି ଯୋଗୁ ଓଜନ ମଧ୍ୟ ବଢ଼ିଥାଏ। ଉଭୟ ମହିଳା ଏବଂ ପୁରୁଷ ଏହି ସମସ୍ୟା ଦେଇ ଗତି କରନ୍ତି। ହେଲେ ଜଣେ ବ୍ୟକ୍ତି ଗୋଟିଏ ରାତି ଭିତରେ ସିକ୍ସ ପ୍ୟାକ୍ ଆବ୍ସ ବଡି କରି ଦେଖାଇଛନ୍ତି। ସେ ହେଲେ ଡାନିଏଲ୍ ଟିଲ୍ସ। ତାଙ୍କୁ ଏବେ ୩୯ ବର୍ଷ। ତେବେ ଫିଟ୍ ଲୁକ୍ ପାଇଁ ତାଙ୍କୁ ୧୪ ଲକ୍ଷରୁ ବି ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିଛି। ଆଶ୍ଚର୍ଯ୍ୟ ଲାଗିଲେ ବି କଥାଟି ସତ। ଆପଣ ଯଦି ଭାବୁଛନ୍ତି ନିଜର ଫିଟ୍ ଲୁକ୍ ପାଇଁ ଡାନିଏଲ୍ ବ୍ୟାୟାମ ସହ ବଡି ବିଲ୍ଡିଂ ଖାଦ୍ୟ ଖାଇଛନ୍ତି, ତେବେ ଏହା ଭୁଲ। ସେ ଲିପୋସକ୍ସନ ସର୍ଜରୀ କରି ନିଜ ଶରୀରକୁ ଏଭଳି ପରିବର୍ତ୍ତନ କରିଛନ୍ତି।
୪୦ ବର୍ଷ ହେବାକୁ ଯାଉଥିବାରୁ ଡାନିଏଲ୍ ନିଜ ଶରୀରକୁ ନେଇ ଚିନ୍ତାରେ ରହୁଥିଲେ। ତାଙ୍କ ସ୍ତ୍ରୀ କିଛି ବର୍ଷ ଧରି କସ୍ମେଟିକ୍ସ ଚିକିତ୍ସା କରାଇ ଆସୁଥିଲେ। ଫଳରେ ସେ ସୁନ୍ଦର ଦେଖାଯାଉଥିଲେ। ଏଣୁ ଡାନିଏଲ ନିଜକୁ ତାଙ୍କ ସମକକ୍ଷ କରିବାକୁ ଚାହୁଁଥିଲେ। ସେ ଜିମ୍ ଯାଇଥିଲେ ହେଁ ଅନେକ ମାସ ପରେ ମଧ୍ୟ କିଛି ଫରକ ପଡ଼ି ନ ଥିଲା। ଏହାପରେ ସେ ସର୍ଜନଙ୍କ ପାଖକୁ ଯାଇଥିଲେ। ସେଠାରେ ଡାକ୍ତର ସର୍ଜରୀ ମାଧ୍ୟମରେ ଗୋଟିଏ ରାତିରେ ସେ ସିକ୍ସ ପ୍ୟାକ୍ ଆବ୍ସ ଲୁକ୍ରେ ନଜର ଆସିବେ ବୋଲି ପରାମର୍ଶ ଦେଇଥିଲେ।
ପରେ ରାତି ୧୨ରେ ତାଙ୍କର ସର୍ଜରୀ ଆରମ୍ଭ ହୋଇଥିଲା। ସକାଳ ହେବା ବେଳକୁ ସେ ନିଜକୁ ନୂଆ ରୂପରେ ଦେଖିଥିଲେ। ଏହାପୂର୍ବରୁ ଡାନିଏଲଙ୍କୁ ମେଡିକେଶନରେ ରଖାଯାଇଥିଲା। ଏବେ ସେ ସବୁଦିନ ପାଇଁ ନିଜର ଖାଦ୍ୟପେୟ ଉପରେ ଧ୍ୟାନ ରଖିବେ। ଫଳରେ ସବୁଦିନ ପାଇଁ ତାଙ୍କର ଏଭଳି ଶରୀର ରହିପାରିବ ବୋଲି ସେ କହିଛନ୍ତି। ଏବେ ସେ ଲଗାତାର ଜିମ୍ ମଧ୍ୟ ଯାଉଛନ୍ତି। ହେଲେ ପୂର୍ବଭଳି ତାଙ୍କୁ ଆଉ ଖରାପ ଲାଗୁ ନ ଥିବା ସେ କହିଛନ୍ତି।
