ବରୀ,୨୨ା୫(ଡି.ଏନ୍.ଏ.): ଯାଜପୁର ଜିଲା ତନ୍ତିଘାଇ ଶାଖା ଚିଙ୍ଗୁଡ଼ିଆ ନଦୀରେ ଗାଈକୁ ପାର୍ କରୁଥିବା ସମୟରେ ବୋଦୁଅ ପଞ୍ଚାୟତ ଏରଡ଼ା ଗ୍ରାମର ସୁକୁଟା ମଳିକ (୪୫) ନଦୀରେ ବୁଡ଼ି ନିଖୋଜ ହୋଇଛନ୍ତି। ସ୍ଥାନୀୟ ଲୋକେ ଓ ପରିବାର ସଦସ୍ୟମାନେ ଖୋଜାଖୋଜି କରି ବିଫଳ ହେବା ପରେ ବରୀ ଅଗ୍ନିଶମ ବିଭାଗକୁ ଖବର ଦେଇଥିଲେ। ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ଖବର ଲେଖା ହେଲା ପର୍ଯ୍ୟନ୍ତ ନିଖୋଜ ସୁକୁଟାଙ୍କର କୌଣସି ପତ୍ତା ମିଳିନାହିଁ।