ପ୍ରାୟତଃ ଶୁଣିବାକୁ ମିଳେ, ଜଣେ ବ୍ୟକ୍ତି ସ୍ତ୍ରୀଙ୍କୁ ଛାଡପତ୍ର ଦେଇ ଆଉ ଜଣଙ୍କୁ ବିବାହ କରିଛନ୍ତି। ମାତ୍ର ବିବାହକୁ ନେଇ ତାଇପେଇରୁ ଏକ ଭିନ୍ନ ମାମଲା ଶୁଣିବାକୁ ମିଳୁଛି। ଜଣେ ବ୍ୟକ୍ତି ୪ଥର ବିବାହ କରିଛନ୍ତି ଏବଂ ୩ ଥର ଛାଡପତ୍ର ଦେଇଛନ୍ତି। ତେବେ ଆଶ୍ଚର୍ଯ୍ୟର କଥା ହେଲା ବ୍ୟକ୍ତିଜଣଙ୍କ ୪ଥର ବିବାହ ଭିନ୍ନ ଭିନ୍ନ ମହିଳାଙ୍କୁ ନୁହେଁ ବରଂ ଜଣଙ୍କୁ କରିଛନ୍ତି ଏବଂ ତାଙ୍କୁ ୩ଥର ଛାଡପତ୍ର ମଧ୍ୟ ଦେଇଛନ୍ତି। ଏହାର ପଛର କାହାଣୀ ମଧ୍ୟ ବହୁତ ଆକର୍ଷଣୀୟ।
ତାଇପୋଇର ଏହି ବ୍ୟକ୍ତିଜଣଙ୍କ ବ୍ୟାଙ୍କରେ କ୍ଲର୍କଭାବେ କାମ କରନ୍ତି। ତେବେ ସେ ଅଫିସରୁ ଛିଟି ନେବା ପାଇଁ ଏପରି କରିଥିବା ଜଣାପଡ଼ିଛି। ଗତବର୍ଷ ଏପ୍ରିଲ ୬ରେ ସେ ପ୍ରଥମ ଥର ବିବାହ କରିଥିଲେ। ଏହି ସମୟରେ ତାଙ୍କୁ ୮ ଦିନରେ ପେଡ୍ ଲିଭ୍ ଦିଆଯାଇଥିଲା। ଛୁଟିରୁ ଫେରିବା ପରଦିନ ସେ ସ୍ତ୍ରୀଙ୍କୁ ଛାଡପତ୍ର ଦେଲେ ଏବଂ ପୁଣିଥରେ ତାଙ୍କୁ ବିବାହ କଲେ। ଏଥିପାଇଁ ସେ ଆଉ ଥରେ ଅଫିସରୁ ଛୁଟି ନେଲେ। ଏହିପରି ଭାବେ ସେ ୪ଥର ବିବାହ କରିଥିବା ବେଳେ ୩ ଥର ଛାଡପତ୍ର ନେଇଛନ୍ତି। ବ୍ୟକ୍ତିଜଣଙ୍କ କ’ଣ କରୁଛନ୍ତି ଏ ନେଇ ବ୍ୟାଙ୍କ ତରଫରୁ ତାଙ୍କୁ ନୋଟିସ କରାଯାଇଥିଲା। ଏମିତିରେ ୪ର୍ଥ ଥର ବିବାହ ପରେ ବ୍ୟାଙ୍କ ତାଙ୍କୁ ପେଡ୍ ଲିଭ୍ ଦେବାକୁ ମନା କରିଦେଲା। ତେଣୁ ସେ କମ୍ପାନୀ ବିପକ୍ଷରେ ତାଇପେଇ ସିଟି ଶ୍ରମିକ ବ୍ୟୁରୋରେ ଅଭିଯୋଗ କଲେ। ତାଙ୍କ ଅଭିଯୋଗ ଅନୁଯାୟୀ,ବ୍ୟାଙ୍କ ଲେବର କାନୁନ ଆର୍ଟିକିଲ-୨ର ଉଲ୍ଲଂଘନ କରିଛି।
ଆଇନ ଅନୁଯାୟୀ, କର୍ମଚାରୀଙ୍କୁ ବିବାହ ପାଇଁ ୮ ଦିନର ଛୁଟି ଦିଆଯିବ। ଏହି ବ୍ୟକ୍ତି ୪ ଥର ବିବାହ ପାଇଁ ୩୨ ଦିନ ଛୁଟି ନେଇସାରିଛନ୍ତି। ବ୍ୟକ୍ତିଙ୍କ ଅଭିଯୋଗ ପରେ ତାଇପେଇ ସିଟି ଲେବର ବ୍ୟୁରୋ ଏହି ମାମଲାର ଅନୁସନ୍ଧାନ କରି ବ୍ୟାଙ୍କ ଲେବର କାନୁନର ଉଲ୍ଲଂଘନ କରିଥିବା ଦର୍ଶାଇବା ସହ ଅକ୍ଟୋବର ୨୦୨୦ରେ ୨୦ ହଜାର ଡଲାର ଅର୍ଥାତ୍ ୫୨,୮୦୦ ଟଙ୍କା ବ୍ୟାଙ୍କ ଉପରେ ଚାର୍ଜ କରାଯାଇଛି।
