ଅମୃତସର,୧୯।୭: ପଞ୍ଜାବରୁ ଏକ ଅଭାବନୀୟ ଚିତ୍ର ସାମ୍ନାକୁ ଆସିଛି। ଏକ ଫଟୋରେ ଜଣେ ଯୁବକ ଗଛରେ ବନ୍ଧା ହୋଇଥିବା ଦେଖାଯାଇଛି। ବ୍ୟକ୍ତିଙ୍କ ବେକରେ ଜୋତାର ମାଳ ପଡିଛି। ଗ୍ରାମବାସୀ ଯୁବକଙ୍କୁ ଘେରି ରହିଛନ୍ତି। କୁହାଯାଉଛି ଯେ ଏହି ଯୁବକ ଜଣେ ନାବାଳିକାଙ୍କୁ ଅପହରଣ କରି ନେଇଛନ୍ତି। ଏଥିରେ ରାଗିଯାଇ ଗ୍ରାମବାସୀଙ୍କ ଅଭିଯୁକ୍ତକୁ ଏକ ଗଛରେ ବାନ୍ଧି ଜୋତା ମାଳ ପିନ୍ଧାଇଦେଇ ତାଙ୍କୁ ନିସ୍ତୁକ ପିଟିଥିଲେ। ପଞ୍ଜାବର ଲୁଧିଆନା ଜିଲାର ବୋନକର ଗୁଜରାଣ ଗାଁରେ ଏହି ଘଟଣା ଘଟିଛି। ତେବେ ପରେ ଏହି ଘଟଣାରେ ଅଭିଯୁକ୍ତ ଯୁବକଙ୍କୁ ମାଡ ମାରିଥିବା ବ୍ୟକ୍ତିଙ୍କ ବିରୋଧରେ ପୋଲିସ ମଧ୍ୟ ଏକ ମାମଲା ରୁଜୁ କରିଛି।