କରୋନା ମହାମାରୀ ସମୟରେ ଅନେକ ଦେଶରେ ରିଲିଫ ପାଣ୍ଠି ପ୍ରଦାନ କରାଯାଇଥିଲା। ଲକ୍ଡାଉନ୍ ଯୋଗୁ ଅନେକ ଲୋକ ଚାକିରି ହରାଇଥିଲେ। ଏହା ସହିତ ଡାକ୍ତରଖାନାର ଖର୍ଚ୍ଚ ମଧ୍ୟ ଲୋକଙ୍କୁ ଅସୁବିଧାରେ ପକାଇଥିଲା। ଏଭଳି ପରିସ୍ଥିତିରେ କରୋନା ରିଲିଫ ପାଣ୍ଠି ଲୋକଙ୍କୁ ଅନେକ ଆରାମ ଦେଇଥିଲା। ଭାରତରେ କରୋନା ମୃତ୍ୟୁକୁ ନେଇ କ୍ଷତିପୂରଣ ଘୋଷଣା କରାଯାଇଥିଲା। କିନ୍ତୁ ଅନେକ ଲୋକ ନକଲି ମୃତ୍ୟୁ ପ୍ରମାଣପତ୍ର ଆଧାରରେ ସରକାରଙ୍କୁ ଠକିଥିଲେ। ତେବେ ବିଦେଶରେ ମଧ୍ୟ ଏଭଳି ମାମଲା ଦେଖିବାକୁ ମିଳିଥିଲା। ନିକଟରେ ଆମେରିକାରେ ରହୁଥିବା ଜଣେ ବ୍ୟକ୍ତିଙ୍କୁ ତିନି ବର୍ଷ ଜେଲ ଦଣ୍ଡାଦେଶ ହୋଇଛି। ଏହି ବ୍ୟକ୍ତି କରୋନା ନାଁରେ ପ୍ରାୟ ୬୫ ଲକ୍ଷ ଋଣ ନେଇଥିଲେ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ସେ କେବଳ ଗୋଟିଏ ପୋକେମନ କାର୍ଡ କିଣିବା ପାଇଁ ଏହି ଟଙ୍କା ମଧ୍ୟରୁ ୪୫ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି।
ଏହି ବ୍ୟକ୍ତିଙ୍କ ନାମ ବିନଥ ଓଡମସିନ ବୋଲି ଜଣାପଡ଼ିଥିଲା। ସେ ଏକ କୋଭିଡ ବିପର୍ଯ୍ୟୟ ପ୍ରଶମନ ଋଣ ନେଇ ସେଥିରୁ ଏକ ପୋକେମନ କାର୍ଡ କିଣିଥିଲେ। କୋଭିଡ୍ ସମୟରେ ୧୦ ଜଣ କର୍ମଚାରୀଙ୍କ ସହ ଏକ ଛୋଟ ବ୍ୟବସାୟ ଆରମ୍ଭ କରିଥିବା ବିନଥ କହିଛନ୍ତି। ସେ ଏହି ବ୍ୟବସାୟ ନାମରେ ଏକ ଲୋନ୍ କରିଥିଲେ। ଏହା ସହିତ ସେ ବ୍ୟବସାୟ ଆରମ୍ଭ କରିବେ ଏବଂ କର୍ମଚାରୀମାନଙ୍କୁ ଦରମା ଦେବେ। କିନ୍ତୁ ଏହି ଠକେଇର ଖୁଲାସା ହୋଇଥିଲା। ସେ ପୋକେମନ କାର୍ଡ କିଣିବା ପାଇଁ ସମସ୍ତ ଟଙ୍କା ଖର୍ଚ୍ଚ କରିଥିଲେ।
ବର୍ତ୍ତମାନ ମାମଲା ଜଣାପଡ଼ିବା ପରେ ତାଙ୍କୁ ସମସ୍ତ ଋଣ ଟଙ୍କା ଜରିମାନା ଭରିବାକୁ ନିର୍ଦ୍ଦେଶ ଦିଆଯାଇଛି। ଏଥିସହ ତାଙ୍କୁ ୩ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛି।
ଏହି ଜାପାନୀ ଗେମିଂ ଫ୍ରାଞ୍ଚାଇଜ ୧୯୯୬ରେ ଆରମ୍ଭ ହୋଇଥିଲା। ସେବେଠାରୁ ଏପର୍ଯ୍ୟନ୍ତ ୩୪ ବିଲିୟନରୁ ଅଧିକ କାର୍ଡ ବିକ୍ରି ହୋଇସାରିଛି। ତଥାପି ଏହି କାର୍ଡଗୁଡ଼ିକ ମଧ୍ୟରୁ କିଛି ବିରଳ ଏବଂ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ। ଏହିପରି ଗୋଟିଏ କାର୍ଡ କିଣିବାକ ବିନଥ କରୋନା ରିଲିଫ ପାଣ୍ଠିରୁ ଋଣ ନେଇଥିଲେ। ବିକ୍ରି ହୋଇଥିବା ସବୁଠାରୁ ମହଙ୍ଗା ପୋକେମନ୍ କାର୍ଡର ମୂଲ୍ୟ ପ୍ରାୟ ୧୮ କୋଟି ବୋଲି କୁହାଯାଉଛି।