ଟିଭିରେ ସୁପରମ୍ୟାନ ତଥା ସ୍ପାଇଡର ମ୍ୟାନ୍ କାହାଣୀ ବହୁତ ଶୁଣିଥିବେ, ଦେଖିଥିବେ। ମାତ୍ର ଆଜି ଏମିତି ଜଣେ ସ୍ପାଇଡର ମ୍ୟାନ୍ଙ୍କୁ ଦେଖିବାକୁ ମିଳିଛି, ଯାହାଙ୍କ କଳାକୌଶଳ ସମସ୍ତଙ୍କୁ ଚକିତ କରିଛି। ସ୍ପାଇଡର ମ୍ୟାନ୍ ଜଣକ ବିଦ୍ୟୁତ୍ ତାରକୁ ଧରି ଏମିତି ଚାଲୁଛନ୍ତି ସତେ ଯେମିତି ଆକାଶରେ ଚାଲୁଛନ୍ତି।
ଏହି ଫଟୋଟି ଉତ୍ତରପ୍ରଦେଶର ରାଏବରେଲିର। ଏହି ବ୍ୟକ୍ତି ଜଣକ ହେଲେ ଭାରତୀୟ ରେଳରେ କାମ କରୁଥିବା ଜଣେ କର୍ମଚାରୀ। ଯିଏ କି ଲାଇନ୍ମ୍ୟାନ ଭାବେ କାମ କରନ୍ତି। ଯେତେବେଳେ ଇଲେକ୍ଟ୍ରି ତାର ଉପରେ ସେ ଚଢ଼ନ୍ତି, ସତେ ଯେମିତି ଏକ ମାଙ୍କଡ଼ ତାରକୁ ଧରି ଏପଟରୁ ସେପଟ ଚାଲୁଥିବାର ଦେଖାଯାଏ।
ଏହି ବ୍ୟକ୍ତି ଜଣକ ରାଏବରେଲିରୁ ପ୍ରୟାଗରାଜ ଯିବା ପାଇଁ ଇଲେକ୍ଟ୍ରି ତାର ଉପରେ ଚଢ଼ିଥିଲେ। ସେ ଏହି ତାର ସଜାଡ଼ିବା ପାଇଁ ଚଢ଼ିଥିଲେ ସତ କିନ୍ତୁ ସୁରକ୍ଷା ଡ୍ରେସ୍ ପିନ୍ଧି ନ ଥିଲେ। ଏନେଇ ରାଏବରେଲିର ଷ୍ଟେଶନ ଅଧୀକ୍ଷକ ରାକେଶ କୁମାର କୌଣସି ମତାମତ ଦେଇନାହାନ୍ତି।
