ତେଲକୋଇ,୨ା୧୨(ଡି.ଏନ.ଏ): କେନ୍ଦୁଝର ଜିଲା ତେଲକୋଇ ବନାଞ୍ଚଳ ଅଧୀନ ଦୋବଲାପାଳ ଫରେଷ୍ଟ ବିଟ୍ ଢିଙ୍କେଶ୍ୱରୀ ସଂରକ୍ଷିତ ଜଙ୍ଗଲରେ ବନ୍ୟପ୍ରାଣୀ ଶିକାର ଉଦ୍ୟମ ବେଳେ ବନ ବିଭାଗ ଚଢ଼ାଉ କରି ଜଣଙ୍କୁ ଗିରଫ କରିଛି। ତାଙ୍କୁଠାରୁ ଶିକାରରେ ବ୍ୟବହୃତ ବ୍ୟାପକ ସାମଗ୍ରୀ ଜବତ ହୋଇଛି। ଗିରଫ ଅଭିଯୁକ୍ତ ହେଲେ ଦେଉଳଡ଼ିହା ଗ୍ରାମର ବାଇଧର ମହାକୁଡ଼ (୧୮)।
ସୂଚନା ମୁତାବକ, ସଂରକ୍ଷିତ ଜଙ୍ଗଲର ଦେଉଳଡ଼ିହା ଗ୍ରାମ ସନ୍ନିକଟ ଘଣ୍ଟରା ସାହି ଆମ୍ବ ବଗିଚାରେ ବନ୍ୟପ୍ରାଣୀ ପାଇଁ ହୁକିଂ କରାଯାଇଥିବା ବନ ବିଭାଗ ଖବର ପାଇଥିଲା। ବନ ଖଣ୍ଡ ଅଧିକାରୀ ଏଚ୍ଡି ଧନରାଜ ଓ ବନାଞ୍ଚଳ ଅଧିକାରୀ ଶିବାଜୀ ମୋହନ ରାଓଙ୍କ ନେତୃତ୍ୱରେ ଗଠିତ ଏକ ସତନ୍ତ୍ର ଟିମ୍ ଚଢ଼ାଉ କରିଥିଲେ। ସେଠାରୁ ଅଭିଯୁକ୍ତଙ୍କୁ ଗିରଫ କରିିବା ସହିତ ଶିକାର ପାଇଁ ବ୍ୟବହୃତ ବୋତଲ, କାଠ ଖୁଣ୍ଟି, ୧ କି.ମି ଜିଆଇ ତାର ଜବତ କରାଯାଇଛି। ଚଢ଼ାଉରେ ବନରକ୍ଷୀ ପ୍ରଭାତୀ ଦାସ, ବନ୍ୟଜନ୍ତୁ ସୁରକ୍ଷା କର୍ମୀ ତଅଁଳୁ ପାତ୍ର, ସୁଦର୍ଶନ ପ୍ରଧାନ, ଭଗବାନ ବେହେରା ପ୍ରମୁଖ କର୍ମଚାରୀ ସାମିଲ ହୋଇଥିଲେ।