କେତେବେଳେ କାହା ସହ କ’ଣ ଘଟିବ କେହି କହି ପାରିବେ ନାହିଁ। କଥାରେ ଅଛି ଘରେ ବସିଥିଲେ ମଧ୍ୟ ବିପଦ ଯଦି ଆସିବାର ଥିବ କେହି ରୋକିପାରିବେ ନାହିଁ। ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେବାରେ ଲାଗିଛି।
ଏହି ଭିଡିଓ କୌଣସି ରାସ୍ତାଘାଟରେ ଦୁର୍ଘଟଣା ନୁହେଁ। ସେଲୁନ ଭିତରେ ଘଟିଛି। ଭିଡିଓରେ ଜଣେ ବ୍ୟକ୍ତି ସେଲୁନ ଭିତରେ ନିଜ କେଶ କଟା ପାଳିକୁ ଅପେକ୍ଷା କରି ବସିଛନ୍ତି। ସେଲୁନ ମାଲିକ ଜଣେ ଗ୍ରାହକଙ୍କ କେଶ କାଟୁଛନ୍ତି। ଏହି ସମୟରେ ହଠାତ୍ ଦ୍ରୁତ ଗତିରେ ଆସୁଥିବା କାର୍ ସେଲୁନ ଭିତରେ ପ୍ରବେଶ ପଶିଆସୁଛି। କାର୍ର ବେଗ ଏତେ ଜୋର୍ରେ ଥିଲା ଯେ, ସମସ୍ତଙ୍କୁ ଉଡ଼ାଇ ଦେଉଛି। ଭିଡିଓ ଦେଖିବା ପରେ ଆପଣ ନିଶ୍ଚିତ ଭାବରେ ଅନୁମାନ କରିଥିବେ କରେ କ’ଣ ଘଟିଥିବ। ଏହି ପୂରା ଘଟଣା ସେଲୁନ ଭିତରେ ଲାଗିଥିବା ଏକ ସିସିଟିଭି କ୍ୟାମେରାରେ କଏଦ ହୋଇଥିଲା।
ଏହି ଭିଡିଓଟି ଅତ୍ୟନ୍ତ ଭୟଙ୍କର। ଭିଡିଓଟିକୁ ବର୍ତ୍ତମାନ ପର୍ଯ୍ୟନ୍ତ ୩ ଲକ୍ଷରୁ ଅଧିକ ଥର ଦେଖାଯାଇଛି। ଭିଡିଓଟି @ViciousVideos ନାମକ ଏକ ଟୁଇଟର ପେଜ୍ରେ ଶେୟାର କରାଯାଇଛି। ଭିଡିଓ ଦେଖି ସମସ୍ତେ ଆଶ୍ଚର୍ଯ୍ୟ ହୋଇ ନିଜ ନିଜର ପ୍ରତିକ୍ରିୟା ଦେଇଛନ୍ତି।