ଭୁବନେଶ୍ୱର,୩।୧୧: ରାଜଧାନୀରେ ଭୂମିକମ୍ପ। ରବିବାର ସକାଳେ ଭୁବନେଶ୍ୱରରେ ମୃଦୁ ଭୂମିକମ୍ପ ଅନୁଭୂତ ହୋଇଛି । ଖୁବ କମ ସମୟ ପାଇଁ ଏହି ଭୂମିକମ୍ପ ଅନୁଭୂତ ହୋଇଥିଲେ ମଧ୍ୟ ଲୋକମାନଙ୍କୁ ସାମାନ୍ୟ ଝଟକା ଲାଗିଛି ।
ରାଜଧାନୀ ଭୁବନେଶ୍ବରରେ ସକାଳ ପ୍ରାୟ ୭ଟା ୧୫ ମିନିଟରେ ଭୂମିକମ୍ପ ହୋଇଥିଲା। ଭୁବନେଶ୍ବର ସମେତ ଆଖପାଖ ଅଞ୍ଚଳରେ ୨ରୁ ୩ ସେକେଣ୍ଡ ଲାଗି ମୃଦୁ ଭୂମିକମ୍ପ ଅନୁଭୂତ କରାଯାଇଥିଲା। ବିଶେଷକରି ପୁରୁଣା ଭୁବନେଶ୍ବର ସମେତ ଭୀମଟାଙ୍ଗୀ, ସିଆର୍ପି, ନୟାପଲ୍ଲୀ ଅଞ୍ଚଳରେ କଂପନ ଅନୁଭୂତ ହୋଇଥିବା ଜଣାପଡ଼ିଛି। ତେବେ ଏନେଇ ପାଣିପାଗ ବିଭାଗ ପକ୍ଷରୁ ଏଯାଏ ସ୍ପଷ୍ଟ କରାଯାଇନାହିଁ।