ପ୍ଲାଷ୍ଟିକ୍ ବୋତଲ୍ଗୁଡ଼ିକୁ ବ୍ୟବହାର କରିସାରିବା ପରେ ବାହାରେ ନ ଫିଙ୍ଗି ବିଭିନ୍ନ ଆକୃତିରେ କାଟି ଗଛ ଲଗାଇବା ପାଇଁ ବ୍ୟବହାର କରିପାରିବେ। ଏଥିରେ ଓ୍ବାଲ୍ ହାଙ୍ଗିଙ୍ଗ୍ ଗାର୍ଡ଼େନ ମଧ୍ୟ କରିପାରିବେ।
ଯଦି ଆପଣଙ୍କର ଆର୍ଟ କିମ୍ବା କ୍ରାଫ୍ଟ କରିବାରେ ରୁଚି ରହିଛି , ତେବେ ଅଦରକାରୀ ପ୍ଲାଷ୍ଟିକ୍ ଜିନିଷଗୁଡ଼ିକୁ ନିଜ ମନ ପସନ୍ଦ ଡିଜାଇନ୍ର କାଟି ଫ୍ଲାଓ୍ବାରପଟ୍, ଫ୍ଲାଓ୍ବାରଭେସ୍ ଆଦି ପ୍ରସ୍ତୁତ କରିପାରିବେ ।
ପେନ୍ ଷ୍ଟାଣ୍ଡ, ପେପର୍ ଷ୍ଟାଣ୍ଡ, ମୋବାଇଲ୍ ଷ୍ଟାଣ୍ଡ, ବ୍ରସ୍ ଷ୍ଟାଣ୍ଡ, ଜୁଏଲେରି ଷ୍ଟାଣ୍ଡ, ବୁକ୍ ସେଲ୍ଫ ଆଦି ମଧ୍ୟ ପ୍ଲାଷ୍ଟିକ୍ରୁ କରିପାରିବେ। ଏହାକୁ ବିଭିନ୍ନ କଲର ଦେଇ ସଜାଇପାରିବେ।
ଘର ଅଗଣାରେ ଯଦି ଗଛ ଅଛି ତେବେ ସେଥିରେ ଦଉଡ଼ି ଲଗାଇ ପ୍ଲାଷ୍ଟିକ୍ ପାତ୍ରରେ ପକ୍ଷୀମାନଙ୍କ ପାଇଁ ଖାଇବା ରଖିବା ସହ ସେମାନଙ୍କ ପାଇଁ ବସା ବି କରିପାରିବେ।
ମହିଳାମାନଙ୍କୁ ମୁଖ୍ୟତଃ ରୋଷେଇ ଘର ସଜେଇବାକୁ ଭଲ ଲାଗେ। ତେଣୁ ସେମାନେ ଚାହିଁଲେ ଅଦରକାରୀ ପ୍ଲାଷ୍ଟିକ୍ ଡବାରେ ସୁନ୍ଦର ସୁନ୍ଦର କିଚେନ୍ କଣ୍ଟେନର୍ ପ୍ରସ୍ତୁତ କରିପାରିବେ।
ପ୍ଳାଷ୍ଟିକ୍ ବୋତଲରେ ବିଭିନ୍ନ ଷ୍ଟାଇଲ୍ର ଫ୍ଲାଓ୍ବାର୍, ଓ୍ବାଲ୍ ହ୍ୟାଙ୍ଗିଙ୍ଗ୍ ଆଦି ପ୍ରସ୍ତୁତ କରି କାନ୍ଥରେ ଟାଙ୍ଗି ଘରକୁ ଆଟ୍ରାକ୍ଟିଭ୍ ଲୁକ୍ ଦେଇପାରିବେ।