କୋକସରା, ୧୮।୧୧ (ଡି.ଏନ.ଏ.) – କଳାହାଣ୍ଡି ଜିଲା କୋକସରା ବ୍ଲକ ଗୋତମୁଣ୍ଡାଠାରେ ସୋମବାର ଧର୍ମଗଡ ବିଧାୟକ ମହୋଷଧି ବାଗ ନୂତନ ଧାନ ମଣ୍ଡି ଉଦ୍ଘାଟନ କରିଛନ୍ତି। ଧାନ ମଣ୍ଡି ଉଦ୍ଘାଟନ ହେବା ପରେ ଅଞ୍ଚଳର ଚାଷୀମାନେ ଖୁସି ବ୍ୟକ୍ତ କରିଛନ୍ତି। ପୂର୍ବରୁ ଗୋତମୁଣ୍ଡା ପଞ୍ଚାୟତ ଓ ସନପୋଡାଗୁଡା ପଞ୍ଚାୟତବାସୀ ଦୀର୍ଘ ୧୦ କି.ମି. ଦୂର ଟେମରା ପ୍ୟାକ୍ସକୁ ନେଇ ଧାନ ବିକ୍ରି କରି ଆସୁଥିବା ବେଳେ ଦିନ ରାତି ଧାନକୁ ଜଗି ଅନେକ ହଇରାଣ ହୋଇ ଅସୁବିଧାର ସମ୍ମୁଖିନ ହୋଇ ଆସୁଥିଲେ । ଆଜି ତାହା ପୂରଣ ହୋଇଥିବାରୁ ଚାଷୀଙ୍କ ମହଲରେ ଖୁସିର ମାହୋଲ ସୃଷ୍ଟି ହୋଇଛି। ଉଦଘାଟନୀ ଉତ୍ସବରେ କୋକସରା ତହସିଲଦାର ମନୋଜ ପାଢୀ, ସୁପରଭାଇଜର କାର୍ତ୍ତିକ ସୁନା, ଟେମେରା ପ୍ୟାକ୍ସ ସମ୍ପାଦକ ରଞ୍ଜନ ପାଣିଗ୍ରାହୀ, ଗୋତମୁଣ୍ଡା ସରପଞ୍ଚ ଜବାହରଲାଲ ଗୋପାଳ, ସମିତ ସଭ୍ୟା ପଦ୍ମା ଖରସେଲ, ବ୍ଲକ ବିଜେଡି ଯୁବ ସଭାପତି ହେମନ୍ତ ମାଝି, ଯଦୁମଣି ଦୁର୍ଗା, ଭାରତ ଦୁର୍ଗା, ଦୁର୍ଗାପ୍ରସାଦ ନାଏକ, ବଳରାମ ମାଝି, ପୂର୍ଣ୍ଣଚନ୍ଦ୍ର ବିଶି, ନିରଞ୍ଜନ ବାଗ, ତୁଲାରାମ ଗୋପାଳ, ହିମାଞ୍ଚଳ ପୂଝାରୀ, ପଙ୍କଜ ମାଝିଙ୍କ ସମେତ ଅଞ୍ଚଳର ଅନେକ ଚାଷୀ ଉପସ୍ଥିତ ଥିଲେ ।