କେବେ କୌଣସି ପକ୍ଷୀ ବିଲେଇକୁ ଡରାଉଥିବାର ଦେଖିଛନ୍ତି କି? ଏବେ ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି। ଯାହା ଦେଖିଲେ ହସିହସି ଗଡ଼ିବେ। ଭିଡିଓରେ ଏକ ବିଲେଇ ଶୁଆକୁ ବହୁତ ଡରି ଯାଉଛି। ଯାହା ଆପଣ କେବେ ଦେଖି ନ ଥିବେ।
ଭିଡିଓ ଆରମ୍ଭରେ ଦେଖିବେ, ଏକ ବିଲେଇ ବସି ଲାଞ୍ଜ ହଲାଉଛି। ଶୁଆଟି ବିଲେଇ ପଛରେ ଚୁପ୍ଚାପ ବସି ତା’ ଲାଞ୍ଜ ଧରିବାକୁ ଚେଷ୍ଟା କରୁଛି। ଶୁଆର ଏପରି ହଇରାଣ ଦେଖି ବିଲେଇ ଡରି ଯାଉଛି। ଶେଷରେ ଉଚ୍ଚ ସ୍ଥାନକୁ କୁଦା ମାରି ଚାଲିଯାଉଛି।
ଭିଡିଓଟିକୁ ଲୋକେ ଖୁବ୍ ପସନ୍ଦ କରିଛନ୍ତି। ଏହା ଉପରେ ବେଶ୍ ମଜାଳିଆ କମେଣ୍ଟ ସବୁ ଦେଖିବାକୁ ମିଳିଛି। ଭିଡିଓଟିକୁ ବର୍ତ୍ତମାନ ସୁଦ୍ଧା ୩୮୦୦୦ ଲୋକ ଦେଖିସାରିଲେଣି। ଜଣେ ୟୁଜର ଲେଖିଛନ୍ତି, ବିଲେଇକୁ ଶୁଆ ଡରାଇବାର କେବେ ଦେଖିଛନ୍ତି? ସେହିପରି ଆଉ ଜଣେ ୟୁଜର ଲେଖିଛନ୍ତି, ବିପଦ ଟଳିଗଲା।