ମାଲକାନଗିରି,୧୯।୫: ମାଲକାନଗିରି ଜିଲା ଚିତ୍ରକୋଣ୍ଡା ବାଲିମେଳା ଜଳଭଣ୍ଡାରରେ ବୁଧବାର ଏକ ଯାତ୍ରୀବାସୀ ଦେଶୀ ଡଙ୍ଗା ବୁଡି ଯାଇଛି। ଫଳରେ ମହିଳା ଓ ଶିଶୁଙ୍କ ସମେତ ୩ ଜଣ ନିଖୋଜ ଅଛନ୍ତି। ମିଳିଥିବା ସୂଚନା ଅନୁଯାୟୀ ୧୧ ଜଣ ଯାତ୍ରୀଙ୍କୁ ନେଇ ଏକ ଦେଶୀ ଡଙ୍ଗା ଓରାପଦର ଗ୍ରାମର ବକୁଲି ଗ୍ରାମକୁ ଯାଉଥିଲା। ହେଲେ କୌଣସି କାରଣରୁ ଜଳଭଣ୍ଡାରରେ ମଝିରେ ଡଙ୍ଗାଟି ଭାରସାମ୍ୟ ହରାଇ ବୁଡିଯାଇଥିଲା। ଡଙ୍ଗାରେ ବସିଥିବା ୮ ଜଣ ଯାତ୍ରୀ ପହଁରି କୂଳରେ ପହଞ୍ଚି ଥିବା ବେଳେ ମହିଳା ଓ ଶିଶୁଙ୍କ ସହ ଅନ୍ୟ ଜଣେ ବୃଦ୍ଧା ନିଖୋଜ ଅଛନ୍ତି। ଖବର ପାଇ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ଡଙ୍ଗାରେ ଯାଉଥିବା ସମସ୍ତେ ଦାମଦୋରଗୁଡାର ଗ୍ରାମର ବୋଲି ଜଣାପଡିଛି।