କେନ୍ଦୁଝର,୨୦ା୩(ସ୍ବ.ପ୍ର.): ପାଲଲହଡ଼ାରୁ କେନ୍ଦୁଝର ଅଭିମୁଖେ ଆସୁଥିବା ମା’ ବସ୍ ସୋମବାର ସକାଳେ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡ଼ିଛି। କେତେକ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ ଅନ୍ୟମାନେ ସୁରକ୍ଷିତ ଅଛନ୍ତି। ବସ୍ଟି ଘାଟି ରାସ୍ତାରେ ଆସୁଥିବା ବେଳେ ହଠାତ୍ ଭାରସାମ୍ୟ ହରାଇ ବାମପାର୍ଶ୍ୱକୁ ଗଡ଼ିଯାଇଥିଲା। ତେବେ ରାସ୍ତା କଡ଼ ଡ୍ରେନ୍ ତଳକୁ ଖସି ଅଟକି ଯାଇଥିଲା। ଖବର ପାଇ କାଞ୍ଜିପାଣି ଥାନା ପୋଲିସ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିବା ସହ କେନ୍ଦୁଝରକୁ ଅନ୍ୟ ବସ୍ରେ ପଠାଇବାକୁ ବ୍ୟବସ୍ଥା କରୁଛି।