କଟକ ସଦର, ୪।୬(ଡି.ଏନ୍.ଏ.): ୪୨ ମୌଜା ଥାନା ଅନ୍ତର୍ଗତ ଦଧିବାମନପୁର ଛକରେ ଶନିବାର ସନ୍ଧ୍ୟାରେ ମୋ’ ବସ୍ ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ହେଲେ ଏହି ଥାନା ଅନ୍ତର୍ଗତ ଦଧିବାମନପୁର ଗ୍ରାମର ନୀରୋଦ ସାମଲ(୪୫)। ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ, ମୋ’ ବସ୍ (ନଂ. ଓଡ଼ି୦୫ଟି-୭୦୩୬)ଟି ଯାତ୍ରୀ ନେଇ କନ୍ଦରପୁରରୁ କଟକ ଭାୟା ୪୨ ମୌଜା ଦେଇ ଯାଉଥିବାବେଳେ ଦଧିବାମନପୁରଠାରେ ନୀରୋଦଙ୍କୁ ପଛରୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। କ୍ଷତିପୂରଣ ପ୍ରଦାନ ଦାବିରେ ସ୍ଥାନୀୟ ଲୋକେ ସନ୍ଧ୍ୟା ୭ଟାରୁ ଟାୟାରଜାଳି ରାସ୍ତାରୋକୋ କରିଥିଲେ। ପୋଲିସ ପହଞ୍ଚି ମୃତଦେହ ଜବତ କରିବା ସହ ଦୁର୍ଘଟଣା ଘଟାଇଥିବା ବସ୍କୁ ହେପାଜତକୁ ନେଇଛି। ରିପୋର୍ଟ ଲେଖାଯିବାବେଳକୁ ପୋଲିସ ସହ ଆଲୋଚନା ଚାଲିଥିଲେ ମଧ୍ୟ ରାସ୍ତାରୋକୋ ଜାରି ରହିଥିଲା।