ଚିତ୍ରକୋଣ୍ଡା,୧୫।୨(ଡି.ଏନ.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ଥାନା ଅନର୍ଗତ ଚିତ୍ରକୋଣ୍ଡା ବାଲିମେଳା ଜଳଭଣ୍ଡାରରେ ମାଛ ଧରିବାକୁ ଯାଇ ଜଣେ ନିଖୋଜ। ସେ ହେଲେ ସ୍ପିଲବାଇ ଗ୍ରାମର ଘାସି ଖିଲ(୬୦)। ମଙ୍ଗଳବାର ମାଛ ମାରୁଥିବା ସମୟରେ ଘାସି ଜଳଭଣ୍ଡାର ଭିତରକୁ ଖସି ପଡ଼ିଥିବା ଜଣାପଡିଛି। ଫେରିବା ବିଳମ୍ବ ହେବା ଦେଖି ପରିବାର ଲୋକେ ଖୋଜାଖୋଜି କରିଥିଲେ। ପରେ ଘାସି ନଦୀରେ ପଡିଯାଇଥିବା ଜାଣିବାକୁ ପାଇ ଥାନା ଏବଂ ଅଗ୍ନିଶମ କେନ୍ଦ୍ରକୁ ଜଣାଇଥିଲେ। ଏଯାବତ୍ ନିଖୋଜ ଘାସି ଖିଲଙ୍କୁ ଚିତ୍ରକୋଣ୍ଡା ଅଗ୍ନିଶମ କେନ୍ଦ୍ର , ପୋଲିସ, ଚିତ୍ରକୋଣ୍ଡା ରାଜସ୍ବ ବିଭାଗ ଓ ପରିବାର ଲୋକେ ଖୋଜାଖୋଜି ଜାରି ରଖିଛନ୍ତି l