ସୋସିଆଲ ମିଡିଆରେ ଆମେ ଅନେକ ପ୍ରତିଭାଧାରୀଙ୍କୁ ଦେଖିବାକୁ ପାଇଥାଉ। ବେଳେବେଳେ ଏମିତି ଦୃଶ୍ୟ ଦେଖିବାକୁ ମିଳିଥାଏ, ଯାହା ଆଖିକୁ ମଧ୍ୟ ବିଶ୍ୱାସ କରିହୁଏ ନାହିଁ। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ବ୍ୟକ୍ତି ସାଇକେଲ ସହିତ ଅଜବ ଷ୍ଟଣ୍ଟ କରୁଥିବା ଦେଖିବାକୁ ମିଳିଛି। ବ୍ୟସ୍ତବହୁଳ ରାସ୍ତାରେ ଲୋକମାନେ ଗାଡ଼ି ଚଳାଇ ଯିବା ସମୟରେ ହଲଚଲ ହୋଇଯାଉଥିବା ବେଳେ ଏହି ବ୍ୟକ୍ତି ଜଣକ କିନ୍ତୁ ଆତ୍ମବିଶ୍ୱାସର ସହ ହାତ ଛାଡ଼ି ଆରାମରେ ସାଇକେଲ ଚଳାଉଛନ୍ତି।
ଭାଇରାଲ ଭିଡିଓରେ, ଜଣେ ବ୍ୟକ୍ତି ତାଙ୍କ ମୁଣ୍ଡରେ କିଛି ସାମଗ୍ରୀ ଲଦି ସାଇକେଲ ଚଳାଇ ଯାଉଛନ୍ତି। ଆଶ୍ଚର୍ଯ୍ୟଜନକ କଥା ହେଉଛି ବ୍ୟକ୍ତି ଜଣକ ଦୁଇ ହାତରେ ସାମଗ୍ରୀ ଧରି ସାଇକେଲ ଚଳାଉଛନ୍ତି। ସେ କେବଳ ପ୍ୟାଡେଲ ମାରୁଛନ୍ତି। ଫଳରେ ସାଇକେଲଟି ଆଗକୁ ଗତି କରୁଛି।
ଏହି ଭିଡିଓକୁ ଆଇପିଏସ ଆରିଫ ଶେଖ ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି। ଏଥିରେ ସେ ଏକ ମଜାଳିଆ କ୍ୟାପଶନ ବି ଲେଖିଛନ୍ତି, ଔର୍ କୁଛ୍ ମିଲେ ନା ମିଲେ, ଲାଇଫ ମେ ବାସ୍ ଇତନା ଆତ୍ମବିଶ୍ୱାସ ମିଲ ଯାଏ। ଭିଡିଓଟି ଜାନୁଆରୀ ୭ରେ ଶେୟାର କରାଯାଇଛି। ବର୍ତ୍ତମାନ ସୁଦ୍ଧା ଏହା ୪ ଲକ୍ଷ ଭ୍ୟୁ ପାଇଥିବାବେଳେ ୧୯ ହଜାରରୁ ଅଧିକ ଲୋକ ଏହାକୁ ଦେଖିଛନ୍ତି। ଏହା ଉପରେ ମନ୍ତବ୍ୟ ଦେଇ ଲୋକମାନେ ଭିଡିଓକୁ ଅବିଶ୍ୱସନୀୟ ବୋଲି କହିଛନ୍ତି।