ଚେନ୍ନାଇ,୨୫।୧୦: ତାମିଲନାଡ଼ୁ ରାଜଭବନ ମୁଖ୍ୟ ଫାଟକ ସମ୍ମୁଖରେ ବୁଧବାର ପେଟ୍ରୋଲ ବୋମା ଫିଙ୍ଗା ଯାଇଛି। ସୁରକ୍ଷାକର୍ମୀମାନେ ବୋମା ପକାଇଥିବା ଜଣେ ବ୍ୟକ୍ତିଙ୍କୁ କାବୁ କରିବାରେ ସଫଳ ହୋଇଛନ୍ତି। ଘଟଣା ପଛରେ ଉଦ୍ଦେଶ୍ୟକୁ ଜାଣିବା ଲାଗି ସନ୍ଦିଗ୍ଧଙ୍କୁ ଗିରଫ କରାଯାଇ ପଚରାଉଚରା କରାଯାଉଛି। ତେବେ ଏଥିରେ ରାଜଭବନ ବ୍ୟାରିକେଡ୍ ସାଙ୍ଗକୁ ଗଛଗୁଡ଼ିକ ନଷ୍ଟ ହୋଇଛି। ଘଟଣାକୁ ନେଇ ଭାଜପା ପକ୍ଷରୁ ତାମିଲନାଡ଼ୁ ଆଇନବ୍ୟବସ୍ଥାକୁ ପ୍ରଶ୍ନ କରାଯାଇଛି। ଅପରାଧୀ ଏବେ ରାସ୍ତା ଉପରକୁ ଓହ୍ଲାଇଲେଣି। ଏହା ରାଜ୍ୟର ଆଇନବ୍ୟବସ୍ଥାର ବାସ୍ତବିକ ସ୍ଥିତିକୁ ଦର୍ଶାଉଛି ବୋଲି ଦଳର ରାଷ୍ଟ୍ରୀୟ ଅଧ୍ୟକ୍ଷ ଅନ୍ନାମଲାଇ କହିଛନ୍ତି।
ପୋଲିସ ଅନୁଯାୟୀ, କାରୁକା ବିନୋଥ ନାମକ ବ୍ୟକ୍ତି କୋର୍ଟ ପରିସରରେ ଛିଡ଼ା ହୋଇଥିବା ମୋଟରସାଇକେଲରୁ ପେଟ୍ରୋଲ ଚୋରାଇଥିଲେ। ଏହାପରେ ସେ ରାଜ୍ୟପାଳ ଆରଏନ୍ ରବିଙ୍କ ଆଧିକାରୀକ ବାସଭବନ ସମ୍ମୁଖରେ ବୋତଲରେ ପେଟ୍ରୋଲ ଢ଼ାଳି ନିଆଁ ଲଗାଇ ଫିଙ୍ଗି ଦେଇଥିଲେ।