ଟ୍ରାଭେଲ କଲାବେଳେ ଯଦି ପିନ୍ଧିଥିବା ପୋଷାକ ମଇଳା ହୋଇଯାଏ ଟେନ୍ସନ୍ ବଢିଯାଏ, କେମିତି ତାକୁ ସଫା କରିବେ। ତେବେ ଏଇ ସମସ୍ୟାର ସମାଧାନ କରିବାକୁ ଯାଉଛି ଜାପାନୀ କମ୍ପାନୀ କାଓ। ଏହି କମ୍ପାନୀ ତିଆରି କରିଛି ଏକ ପୋର୍ଟେବଲ୍ ଓ୍ବାଶିଂ ମେସିନ, ଯାହାକୁ ଦେଖିଲେ କେହି ବିଶ୍ୱାସ କରିବେନି ତାହା ଏକ ଓ୍ବାଶିଂ ମେସିନ ବୋଲି। କାରଣ ତାହା ଦେଖିବାକୁ ଏକ ସାଧାରଣ ଜିପର୍ ବ୍ୟାଗ୍ ପରି। ଏହାର ଜିପ୍ ଖୋଲି ସେଥିରେ ମଇଳା କପଡା, ଡିଟରଜେଣ୍ଟ ଓ ପାଣି ପକାଇ ଜିପ୍ଟିକୁ ବନ୍ଦ କରିଦେଇ ଜିପର୍ ବ୍ୟାଗ୍କୁ ଭଲଭାବେ ହଲାନ୍ତୁ। ପରେ ହାତରେ କପଡା ଧୋଇବାବେଳେ ଯେପରି କପଡାକୁ ଦୁଇ ହାତରେ ଧରି ଘଷନ୍ତି ସେହିଭଳିଭାବେ ସେହି ମଇଳା କପଡା ଥିବା ଜିପର୍ ବ୍ୟାଗକୁ ଘଷନ୍ତୁ। ଏହାପରେ ଜିପର୍ ବ୍ୟାଗ୍ ସାଇଡ୍ରେ ଥିବା କଣାର ଠିପି ଖୋଲି ଦେଲେ ମଇଳା ପାଣି ସେଇ ବାଟ ଦେଇ ବୋହି ଯିବ। ପରେ ସଫା ପାଣି ପକାଇ ପୁଣି ଧୋଇ ମଇଳା ପାଣି କଣାବାଟ ଦେଇ ଛାଡିବେ। ଏମିତି ବାରମ୍ବାର କରି କପଡା ସଫା କରାଯିବ। ଏହି ଜିପର୍ ବ୍ୟାଗ୍ ଓ୍ବାଶିଂ ମେସିନ୍ ବିଦ୍ୟୁତ ନ ଥିବାବେଳେ ଓ ଟ୍ରାଭେଲ କଲାବେଳେ କପଡା ସଫା କରିବାରେ ବହୁତ ସାହାଯ୍ୟ କରିପାରିବ।