ଗଞ୍ଜାମ,୧୩।୯(ଡି.ଏନ.ଏ.) ଗାଁ ମଝିରେ ବିପଦସଙ୍କୁଳ ଅବସ୍ଥାରେ ବିଦ୍ୟୁତ ଖୁଣ୍ଟ। ଉକ୍ତ ଖୁଣ୍ଟକୁ ଲାଗି ରହିଛି ଏକ ବିରାଟ ଉଚ୍ଚତା ସମ୍ପନ୍ନ ହାଇମାକ୍ସ ଲାଇଟ ପୋଲ। ତାହା ପୁଣି ପାଞ୍ଚ ବର୍ଷରୁ ଉର୍ଦ୍ଧ ହେବ ଅଚଳ ହୋଇ ପଡିଥିବା ବେଳେ ଜଳୁନି। ଏଭଳି ଚିତ୍ର ଦେଖିବାକୁ ମିଳିଛି ଗଞ୍ଜାମ ଏନଏସି ଅନ୍ତର୍ଗତ ପୁଇଁତୋଳା ଗ୍ରାମରେ। ଦୁଇ ସାହିକୁ ଆଲୋକିତ କରିବା ନିମନ୍ତେ ୨୦୦୮ରେ ଏନଏସି ପ୍ରଶାସନ ପକ୍ଷରୁ ଉକ୍ତ ଗ୍ରାମର ତିନି ମୁଁହା ଛକରେ ଉକ୍ତ ହାଇମାକ୍ସ ଲାଇଟ ଲଗାଯାଇଥିଲା କିନ୍ତୁ ତାହା ଦୀର୍ଘ ପାଞ୍ଚ ବର୍ଷରୁ ଉର୍ଦ୍ଧ ଖରାପ ହୋଇଯାଇଥିଲେ ମଧ୍ୟ ଏନଏସି ପ୍ରଶାସନର ଉଦାସନିୟତା ଯୋଗୁ ତାହା ସଜଡା ଯାଉନି l କିମ୍ବା ଉକ୍ତ ପୋଲକୁ ସାହି ମଝିରୁ ବାହାର କରାଯାଉ ନ ଥିବା ଅଭିଯୋଗ ହୋଇଛି l ଯାହାକୁ ନେଇ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି ଗ୍ରାମବାସୀ l ଏଥିପ୍ରତି ପ୍ରଶାସନ ପଦକ୍ଷେପ ନ ନେଲେ ଆଗାମୀ ଦିନରେ ଏନଏସି ଘେରାଉ କରାଯିବ ବୋଲି ଗ୍ରାମବାସୀଙ୍କ ପକ୍ଷରୁ ସୂଚନା ମିଳିଛି l