ଚେନ୍ନାଇ,୭।୯ : ସନାତନ ଧର୍ମକୁ ନେଇ ତାମିଲନାଡୁ ସିଏମ ଏମକେ ଷ୍ଟାଲିନଙ୍କ ପୁଅ ଉଦୟାନିଧିଙ୍କ ବିବୃତ୍ତି ଉପରେ ବିବାଦ ବନ୍ଦ ହେବାର ନା ଧରୁନି। ଏହି ସମୟରେ ତାଙ୍କ ଦଳ ଡିଏମକେର ଅନ୍ୟ ଜଣେ ନେତା ଏ. ରାଜା ମଧ୍ୟ ସନାତନ ବିବାଦ ନିଆଁରେ ଘିଅ ଢାଲିଛନ୍ତି। ସେ ସନାତନ ଧର୍ମ ବିରୋଧରେ ମନ୍ତବ୍ୟ ଦେଇଛନ୍ତି।
ରାଜା ଉଦୟାନିଧିଙ୍କ ବିବୃତ୍ତିକୁ ସୁରକ୍ଷା କରି କହିଛନ୍ତି ସେ ସନାତନ ପ୍ରତି ବିନମ୍ରତା ପ୍ରଦର୍ଶନ କରିଛନ୍ତି।
ପୂର୍ବତନ କେନ୍ଦ୍ର ମନ୍ତ୍ରୀ କହିଛନ୍ତି ସନାତନକୁ ଏଚଆଇଭି, ଏଡସ ଏବଂ ଲେିପର୍ସି ଭଳି ରୋଗ ସହ ତୁଳନା କରାଯିବା ଉଚିି। ଏବେ ରାଜାଙ୍କ ତାଙ୍କ ବକ୍ତବ୍ୟ ନେଇ ଉତ୍ତେଜନା ସୃଷ୍ଟି ହୋଇଛି। ଡିଏମକେ ଇଣ୍ଡିଆ ମିଳିତ ମଞ୍ଚର ଏକ ସହଯୋଗୀ ଏବଂ ଏମ.କେ ଷ୍ଟାଲିନ ଏହାର ସମସ୍ତ ସଭାରେ ଯୋଗ ଦେଇଛନ୍ତି।
ଡିଏମକେ ଏମ କରୁଣାନିଧିଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା ଏବଂ ସେ ଜଣେ ନାସ୍ତିକ ଥିଲେ। ତାଙ୍କ ପରମ୍ପରାକୁ ଅନୁସରଣ କରି ଏମ.କେ ଷ୍ଟାଲିନ ଏବଂ ତାଙ୍କ ପରିବାର ମଧ୍ୟ ନାସ୍ତିକ ବୋଲି ଦାବି କରନ୍ତି। କିନ୍ତୁ ବର୍ତ୍ତମାନ ସନାତନ ଧର୍ମ ଉପରେ ଏହି ପ୍ରକାର ଆକ୍ରମଣ ବିତର୍କକୁ ଆହୁରି ତୀବ୍ର କରିଛି। ଏହି ପ୍ରସଙ୍ଗରେ ଭାଜପା ଆକ୍ରମଣାତ୍ମକ ହୋଇ ସାରା ଦେଶରେ ଏହା ଉପରେ ଉତ୍ତେଜନା ସୃଷ୍ଟି କରିପାରେ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ବୁଧବାର କ୍ୟାବିନେଟ ବୈଠକରେ ମନ୍ତ୍ରୀମାନଙ୍କୁ ସନାତନ ଧର୍ମ ପ୍ରସଙ୍ଗରେ ଠୋସ ଯୁକ୍ତି ସହ ଉତ୍ତର ଦେବାକୁ କହିଛନ୍ତି। ସେ କହିଛନ୍ତି ଏହି ପ୍ରସଙ୍ଗ ଏପରି ଏହାକୁ ଖୋଲାଖୋଲି ଭାବେ କହିବାକୁ ପଡିବ। କେବଳ ମନେରଖନ୍ତୁ ସମ୍ବିଧାନର ଆଭିମୁଖ୍ୟରେ ରହିବାବେଳେ, ଆମେ ଦୃଢ଼ ଯୁକ୍ତି ଏବଂ ତଥ୍ୟ ସହିତ କଥା ହେବା ଉଚିିତ।
ଗୋଟିଏ ପଟେ ଭାଜପାର ଆକ୍ରମଣାତ୍ମକ ଆଭିମୁଖ୍ୟ ଏବଂ ଅନ୍ୟ ପଟେ ଉଦୟାନିଧି ଏବଂ ତାଙ୍କ ଦଳର ଦୃଢ଼ ଼ ଆଭିମୁଖ୍ୟ ଚ୍ୟାଲେଞ୍ଜ ସୃଷ୍ଟି କରିଛି। ଏହା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସନାତନ ପ୍ରସଙ୍ଗରେ ଇଣ୍ଡିଆ ମିଳିତ ମଞ୍ଚକୁ କୋଣଠେସା କରିପାରିବେ ବୋଲି ଚର୍ଚ୍ଚା କରାଯାଉଛି। ସମଗ୍ର ଦେଶରେ ପ୍ରାୟ ୧୦୦ କୋଟି ହିନ୍ଦୁଙ୍କ ଜନସଂଖ୍ୟାକୁ ବିଚାରକୁ ନେଇ, ନିର୍ବାଚନକୁ ପୋଲାରାଇଜ କରିବାକୁ ଚେଷ୍ଟା କରାଯାଇପାରେ। ଯଦି ଏହିପରି କିଛି ଘଟେ ତେବେ କେବଳ ଭାଜପା ଉପକୃତ ହେବ।
ଏ ସମ୍ପର୍କରେ ଇଣ୍ଡିଆ ମେଣ୍ଟ ଉପରେ ଭାଜପା ଆକ୍ରମଣ କରୁଛି। ଆରଜେଡି, ଏଏପି ଏବଂ କଂଗ୍ରେସର କିଛି ନେତା ଉଦୟାନିଧିଙ୍କ ବିବୃତ୍ତିକୁ ସମର୍ଥନ କରିଛନ୍ତି। ଏହି କାରଣରୁ ସମଗ୍ର ମିଳିତ ମଞ୍ଚ ଭାଜପାର ଟାର୍ଗେଟରେ ଆସିଛି।