ଭୁବନେଶ୍ୱର,୩୦।୧୦: ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ସି. ଭି. ରମଣ ଗ୍ଲୋବାଲ୍ ୟୁନିଭର୍ସିଟି (ସିଜିୟୁ)ର ହୋଟେଲ ମ୍ୟାନେଜମେଣ୍ଟ ଛାତ୍ର ସୁବ୍ରତ ପଟେଲ ଏକ ବିରଳ ସଫଳତାର ଅଧିକାରୀ ହୋଇଛନ୍ତି। ବିଶେଷକରି ସୁଇଜରଲାଣ୍ଡର ଲୁଜେନଠାରେ ଅନୁଷ୍ଠିତ ଓ୍ବାର୍ଲଡ୍ ସ୍କିଲ୍ସ ପ୍ରତିଯୋଗିତାରେ ଅଂଶ ଗ୍ରହଣ କରି ସୁବ୍ରତ ରେଷ୍ଟୁରାଣ୍ଟ ସର୍ଭିସରେ ଭାରତ ପାଇଁ ମେଡାଲ ଅଫ୍ ଏକ୍ସଲେନ୍ସି ହାସଲ କରିଛନ୍ତି। ଏପରିକି ସିଜିୟୁର ଅଭିଳାଷ ଦାସଙ୍କ ତତ୍ତ୍ବାବଧାନରେ ସୁବ୍ରତ ରେଷ୍ଟୁରାଣ୍ଟ ସର୍ଭିସ ଟେକ୍ନୋଲୋଜି ଉପରେ ତାଙ୍କ ପ୍ରକଳ୍ପ ପ୍ରସ୍ତୁତ କରିଥିଲେ। ଅପରପକ୍ଷରେ ସୁବ୍ରତ ସି.ଭି. ରମଣ ଗ୍ଲୋବାଲ ୟୁନିଭର୍ସିଟିରେ ହୋଟେଲ ମ୍ୟାନେଜମେଣ୍ଟରେ ସ୍ନାତକ କରୁଛନ୍ତି। ସୁବ୍ରତଙ୍କ ଏହି ସଫଳତା ପାଇଁ ତାଙ୍କୁ ସବୁ ସ୍ତରରେ ଶୁଭେଚ୍ଛା ଓ ସମ୍ବର୍ଦ୍ଧନା ମଧ୍ୟ ମିଳିଛି। ସେହିଭଳି ବିଶ୍ବସ୍ତରୀୟ ପ୍ରତିଯୋଗିତାରେ ସି.ଭି. ରମଣ ଗ୍ଲୋବାଲ୍ ୟୁନିଭର୍ସିଟିର ଛାତ୍ରୀଛାତ୍ର ବିଭିନ୍ନ ସମୟରେ ଦେଶ ପାଇଁ ସୁନାମ ଆଣିବାରେ ଲାଗିଛନ୍ତି। ଉଲ୍ଲେଖଯୋଗ୍ୟ, ସୁଇଜରଲାଣ୍ଡର ଲୁଜେନଠାରେ ଓ୍ବାର୍ଲଡ ସ୍କିଲ୍ସ ପ୍ରତିଯୋଗିତା-୨୦୨୨ ଅନୁଷ୍ଠିତ ହୋଇଥିଲା। ଏଥିରେ ସାରା ଦେଶର ୫୮ ଜଣ ପ୍ରତିଯୋଗୀ ସାମିଲ ହୋଇଥିଲେ।
