ଭୁବନେଶ୍ୱର,୧୬।୯:ରାଜ୍ୟର ପ୍ରମୁଖ ଘରୋଇ ମେଡିକାଲ ଭୁବନେଶ୍ୱର ଆପୋଲୋ ହସ୍ପିଟାଲରେ ନିକଟରେ ଏକ ବିରଳ ଅସ୍ତ୍ରୋପ୍ରଚାର ସଫଳତାର ସହ ଶେଷ କରାଯାଇଛି। ବିଶେଷକରି ଅଙ୍ଗ ପ୍ରତିରୋପଣ କ୍ଷେତ୍ରରେ ଆପୋଲୋ ଆଉ ଏକ ନୂଆ ଅଧ୍ୟାୟ ସୃଷ୍ଟି କରିଛି। ଏପରିକି ରାଜ୍ୟରେ ପ୍ରଥମଥର ପାଇଁ ଜଣେ ମୃତ ବାଳକର ୨କିଡ୍ନୀ ୨ଜଣ ରୋଗୀଙ୍କ ଶରୀରରେ ସଫଳତା ପୂର୍ବକ ପ୍ରତିରୋପଣ କରାଯାଇଛି। ଫଳରେ ଆପୋଲୋରେ ଚିକିସତ୍ିତ ହେଉଥିବା ୨୯ବର୍ଷୀୟ ପ୍ରୀତମ୍ ପ୍ରସାଦ ସ୍ବାଇଁ ଏବଂ ୫୫ ବର୍ଷୀୟା ଊର୍ମିଳା ପଣ୍ଡାଙ୍କୁ ନୂଆ ଜୀବନ ମିଳିଛି ବୋଲି ଉଭୟ ରୋଗୀ ଓ ମେଡିକାଲ ପକ୍ଷରୁ କୁହାଯାଇଛି। ଏ ସମ୍ପର୍କରେ ଭୁବନେଶ୍ୱର ଆପୋଲୋ ହସ୍ପିଟାଲର ସିଓଓ ତଥା ଡିଏମ୍ଏସ୍ ଡା. ଆଲୋକ ଶ୍ରୀବାସ୍ତବ କହିଛନ୍ତି, ଏହି ବିରଳ ସଫଳ ଅସ୍ତ୍ରୋପଚାର ପାଇଁ ସେ ଡା. ଅଧିକାରୀ ଏବଂ ଡା. ମହାନ୍ତିଙ୍କୁ ଅଭିନନ୍ଦନ ଜଣାଇଛନ୍ତି। ବିଶେଷକରି ଶେଷ ମୁହୂର୍ତ୍ତରେ ଖବର ପାଇଥିଲେ ମଧ୍ୟ ଆମର ପରାମର୍ଶଦାତା ଓ ବିଶେଷଜ୍ଞ ଡାକ୍ତରମାନେ ପରିସ୍ଥିତିକୁ ପରିାଳନା କରିଥିଲେ ଏବଂ ସଫଳତାର ସହ କିଡ୍ନୀ ପ୍ରତିରୋପଣ କରିଥିଲେ ବୋଲି ଶ୍ରୀବାସ୍ତବ କହିଛନ୍ତି। ଏପରିକି ଆପୋଲୋ ହସ୍ପିଟାଲ ସହ ଯୋଗାଯୋଗ କରିଥିବାରୁ ଶ୍ରୀବାସ୍ତବ ସୋଟୋକୁ ମଧ୍ୟ ଧନ୍ୟବାଦ ଜଣାଇଛନ୍ତି।
