ପୁରୀ ଅଫିସ, ୨୦।୫: ପୁରୀ କୁମୁଟିପାଟଣା ଅଞ୍ଚଳର ଯୁବ ଶିଳ୍ପୀ ବିଶ୍ୱଜିତ ନାୟକ ୧୪୫ଟି ଆଇସ୍କ୍ରିମ କାଠିରେ ପ୍ରଭୁ କେଦାରନାଥଙ୍କ ମନ୍ଦିରର ପ୍ରତିକୃତି ନିର୍ମାଣ କରିଛନ୍ତି। ମନ୍ଦିର ଉଚ୍ଚତା ୧୦ ଇଞ୍ଚ ଓ ଲମ୍ବ ୭ଇଞ୍ଚ ରହିଛି। ଏହା ନିର୍ମାଣ ପାଇଁ ପ୍ରାୟ ୨୭ଘଣ୍ଟା ସମୟ ଲାଗିଥିଲା। ପରମ୍ପରା ଅନୁଯାୟୀ, ଭକ୍ତଙ୍କ ପାଇଁ ୬ମାସ କେଦାରନାଥ ମନ୍ଦିର ଖୋଲା ଓ ୬ମାସ ବନ୍ଦ ରହେ। ଚଳିତମାସ ୧୭ ତାରିଖରେ ଏହି ମନ୍ଦିର ଖୋଲିଛି। ମାତ୍ର କୋଭିଡ୍ କଟକଣାକୁ ଦୃଷ୍ଟିରେ ରଖି ଭକ୍ତଙ୍କ ଦର୍ଶନ ଉପରେ ରାଜ୍ୟ ସରକାର କଟକଣା ଲଗାଇଛନ୍ତି। ତେଣୁ ବିଶ୍ୱଜିତ ତାଙ୍କ କଳାକୃତି ମାଧ୍ୟମରେ ଅଗଣିତ ଭକ୍ତଙ୍କୁ କେଦାରନାଥ ମନ୍ଦିରର ଝଲକ ଦେଖାଇବାକୁ ଚେଷ୍ଟା କରିଛନ୍ତି। ସେ ତାଙ୍କ କଳାକୃତିରେ କେଦାରନାଥ ମନ୍ଦିର ସହ ମହାଦେବଙ୍କ ଆୟୁଧ ତ୍ରିଶୁଳକୁ ସ୍ଥାନ ଦେଇଛନ୍ତି। ଏହି କଳାକୃତି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇବା ନେଇ ସେ ଆବେଦନ କରିଥିବା ବିଶ୍ୱଜିତ କହିଛନ୍ତି।
