ମୋରଡ଼ା,୨୯ା୧୦(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ଥାନା ଅଧୀନ ଧାନଶୋଳ-ଛୋଟରାୟପୁର ରାସ୍ତା କଡ଼ରେ ବନ୍ଦ ଥିବା ଏକ ହୋଟେଲରୁ ଚୋରି ହୋଇଥିବାର ମୋରଡା ଥାନାରେ ଅଭିଯୋଗ ହୋଇଛି। ଅଭିଯୋଗ ମୁତାବକ, ଉକ୍ତ ହୋଟେଲର ମାଲିକ ବିଦ୍ୟାଧର ମହାନ୍ତ ରବିବାର ଅପରାହ୍ନରେ ହୋଟେଲରେ ତାଲା ପକାଇ ଘରକୁ ଖାଇବା ପାଇଁ ଯାଇଥିଲେ। ତେବେ କେହି ନ ଥିବା ଅବସ୍ଥାରେ ଦୁର୍ବୃତ୍ତମାନେ ଉକ୍ତ ହୋଟେଲର ତାଲା ଭାଙ୍ଗି ୩୨ ଇଞ୍ଚର ଏକ ଏଲ୍ସିଡି ଟିଭି,ବ୍ୟାଟେରି, ଇନ୍ଭର୍ଟର ଚୋରି ହୋଇଛି। ବିଦ୍ୟାଧର ମୋରଡ଼ା ଥାନାରେ ଅଭିଯୋଗ କରିବା ପରେ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍, ପୋଲିସ ପହଞ୍ଚି ସନ୍ଧାନୀ କୁକୁର ସାହାଯ୍ୟରେ ତଦନ୍ତ ଜାରି ରଖିଛନ୍ତି।