ଭୁବନେଶ୍ୱର, ୨୭।୧୨ (ବ୍ୟୁରୋ) – ଖୁବ୍ଶୀଘ୍ର ଜୟପୁର ବିମାନବନ୍ଦରରୁ ଭୁବନେଶ୍ୱରକୁ ଆଉ ଏକ ବିମାନ ଉଡିବ। ଯାତ୍ରୀଙ୍କ ଚାହିଦା ଓ ଦାବିକୁ ଦୃଷ୍ଟିରେ ରଖି ଇଣ୍ଡିଆ ଓ୍ବାନ୍ ଏୟାର ପକ୍ଷରୁ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଏନେଇ ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ ଟୁଇଟ୍ କରି ସୂଚନା ଦେଇଛନ୍ତି। ଜୟପୁରରୁ ଭୁବନେଶ୍ୱରକୁ ଦ୍ୱିତୀୟ ବିମାନ ଯାତାୟାତ କରିବା ଦ୍ୱାରା ଯାତ୍ରୀ ଆବଶ୍ୟକତା ପୂରଣ ହେବ ଓ ବିଶେଷକରି ଦକ୍ଷିଣ ଓଡ଼ିଶାବାସୀ ଅଧିକ ଉପକୃତ ହୋଇ ପାରିବେ ବୋଲି କୁହାଯାଇଛି।