![](https://www.dharitri.com/wp-content/uploads/2024/06/-1.jpg)
ନୂଆଦିଲ୍ଲୀ,୧।୬: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ନେତା ଅରବିନ୍ଦ କେଜରିୱାଲଙ୍କୁ ଡାକ୍ତରଖାନା ନେବା ପାଇଁ ଆମ୍ବୁଲାନ୍ସ ପଠାଇଛନ୍ତି ଜଣେ ବରିଷ୍ଠ ଭାଜପା ନେତା । ଗୁରୁତର ସ୍ବାସ୍ଥ୍ୟ ସମସ୍ୟା ଦେଇ ଗତି କରୁଥିବା ନେଇ କେଜରିୱାଲ ସୁପ୍ରିମକୋର୍ଟରେ କହିବା ପରେ ଶନିବାର ଭାଜପା ନେତା ବିଜୟ ଗୋଏଲ ତାଙ୍କ ପାଖକୁ ଏକ ଆମ୍ବୁଲାନ୍ସ ପଠାଇଛନ୍ତି।
ଅନ୍ୟପଟେ ଗୋଏଲ ଅଭିଯୋଗ କରିଛନ୍ତି ଯେ, ଲୋକଙ୍କ ସହାନୁଭୂତି ପାଇବା ପାଇଁ କେଜରିୱାଲ ସ୍ବାସ୍ଥ୍ୟ ସମସ୍ୟା ଦର୍ଶାଇ ଡ୍ରାମା କରୁଛନ୍ତି। ଏଥିପାଇଁ ତାଙ୍କ ପାଖକୁ ଆମ୍ବୁଲାନ୍ସ ପଠାଯାଇଛି। ଏହି ଆମ୍ବୁଲାନ୍ସ ତାଙ୍କୁ ଡାକ୍ତରଖାନାକୁ ନେବା ସହ ସମସ୍ତ ପ୍ରକାର ସ୍ବାସ୍ଥ୍ୟ ପରୀକ୍ଷା କରାଇପାରିବେ। ଏଥିରେ ତାଙ୍କର ପ୍ରକଅତରେ ଦେହ ଖରାପ ଅଛି କି ନାହିଁ ଜଣାପଡିଯିବ।
ସୂଚନା ଥାଉକି, ଦିଲ୍ଲୀ ଅବକାରୀ ନୀତି ମାମଲାରେ ଗିରଫ ହୋଇଛନ୍ତି ମୁଖ୍ୟମନ୍ତ୍ରୀ କେଜରିୱାଲ। ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ମାର୍ଚ୍ଚରେ ଗିରଫ କରିଥିବା ବେଳେ ସେ ତିହାର ଜେଲରେ ଥିଲେ। ଲୋକ ସଭା ନିର୍ବାଚନ ପ୍ରଚାର ପାଇଁ ମେ’ ୧୦ରେ ତାଙ୍କୁ ଅନ୍ତରୀଣ ଜାମିନ ମିଳିଥିଲା।