ଆଡିଲେଡ୍,୧୮ା୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ବର୍ଡର-ଗାଭାସ୍କର ଟ୍ରଫିରେ ଭାରତୀୟ ଦଳ ପ୍ରଥମ ଇନିଂସରେ ୨୪୪ ରନ୍ ସଂଗ୍ରହ କରିଛି। ପିଙ୍କ୍ ବଲ୍ ସହିତ ଖେଳାଯାଉଥିବା ଏହି ଟେଷ୍ଟ ମ୍ୟାଚରେ ଭାରତ ଭଲ ସ୍କୋର କରିଛି। ଉଭୟ ଅଷ୍ଟ୍ରେଲୀୟ ଓପନରଙ୍କୁ ପାଭିଲିୟନକୁ ପଠାଇଛି। ତେବେ ଯେତେବେଳେ ମହମ୍ମଦ ଶାମି ମ୍ୟାଚ୍ରେ ବୋଲିଂ କରିବାକୁ ଆସିଥିଲେ ପ୍ରଶଂସକମାନେ ଟିକେ ଆଶ୍ଚର୍ଯ୍ୟ ହୋଇଯାଇଥିଲେ।
କାରଣ ଶାମି ଫଟା ଜୋତା ପିନ୍ଧି ଏହି ମ୍ୟାଚ୍ ଖେଳିଥିଲେ। ମ୍ୟାଚ ସମୟରେ ଯେତେବେଳେ କ୍ୟାମେରା ଶାମିଙ୍କ ଜୋତା ଉପରେ ପଡ଼ିଥିଲା, ସେତେବେଳେ ତାଙ୍କ ବାମ ପାଦର ଜୋତା ଆଗ ଛିଡ଼ା ଥିବା ଦେଖିବାକୁ ମିଳିଥିଲା। ଆଦାମ ଗିଲ୍ଖ୍ରୀଷ୍ଟ ଏବଂ ଶେନ୍ ଓ୍ବାର୍ନଙ୍କ ପରି ଅଷ୍ଟ୍ରେଲିଆର ପୂର୍ବତନ ଭେଟେରାନ ଖେଳାଳିମାନେ ଏ ବିଷୟରେ କଥାବାର୍ତ୍ତା ହୋଇଥିବା ଦେଖିବାକୁ ମିଳିଥିଲା।
ଶେନ ଓ୍ବାର୍ନ କହିଛନ୍ତି, ମହମ୍ମଦ ଶାମି ବାହୁବଳୀ ଅଟନ୍ତି। ଯେତେବେଳେ ସେ ବଲ୍ ପକାଇଥାନ୍ତି ସେହି ସମୟରେ ତାଙ୍କ ବାମ ଆଙ୍ଗୁଠି ଜୋତାର ଭିତର ସାମ୍ନାକୁ ଆସିଥାଏ। ଏହା ବୋଲିଂରେ ସମସ୍ୟା ସୃଷ୍ଟି କରିପାରେ। ତେବେ ସେ ଥଟ୍ଟା କରି କହିଛନ୍ତି, ବୋଲିଂ ସମୟରେ ଶାମି ଫଟା ଜୋତା ପିନ୍ଧିବା ଉଚିତ୍ ନୁହେଁ। କାରଣ ଅଷ୍ଟ୍ରେଲୀୟ ପେସର୍ ୟର୍କର ବଲ୍ ସହିତ ତାଙ୍କ ଅବସ୍ଥାକୁ ଆହୁରି ସଙ୍ଗୀନ କରିଦେବ।