ନୂଆଦିଲ୍ଲୀ,୭।୧୧: ବିଶ୍ବର ଶକ୍ତିଶାଳୀ ରାଷ୍ଟ୍ର ଆମେରିକାରେ ହୋଇଛି ପଟ୍ଟ ପରିବର୍ତ୍ତନ। ହ୍ବାଇଟ ହାଉସ ଉପରେ କବଜା କରିଛନ୍ତି ରିପବ୍ଲିକାନ ଡୋନାଲ୍ଡ ଟ୍ରମ୍ପ । ଡେମୋକ୍ରାଟକି କମଲା ହାରିସଙ୍କୁ ବଡ ବ୍ୟବଧାନରେ ପରାସ୍ତ କରି ପୁଣି କ୍ଷମତାକୁ ଫେରିଛନ୍ତି ଟ୍ରମ୍ପ । ଆଉ ସେ ରାଷ୍ଟ୍ରପତି ଭାବେ କ୍ଷମତା ଫେରି ପାଇବା ପରେ ସାରା ବିଶ୍ବରେ ଦେଖାଦେଇଛି ଉତ୍ସାହ । ତେବେ ବିଶ୍ୱ ସହ ସାରା ଭାରତ ମଧ୍ୟ ଆମେରିକା ନିର୍ବାଚନ ଉପରେ ତୀକ୍ଷଣ ନଜର ରଖିଥିଲା ।
ଏକ ସର୍ଭେରୁ ଜଣାପଡିଛି ଯେ, ଭାରତ କାହାକୁ ସପୋର୍ଟ କରୁଥିଲା? ଡୋନାଲ୍ଡ ଟ୍ରମ୍ପଙ୍କୁ ନା କମଲା ହାରିସଙ୍କୁ? ଦେଶବାସୀ କାହାକୁ ରାଷ୍ଟ୍ରପତି ପ୍ରାର୍ଥୀ ଭାବେ ସମର୍ଥନ କରୁଥିଲେ? ଏହାକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଭାରତର ୩୦ଟି ରାଜ୍ୟ ମଧ୍ୟରୁ ୨୯ଟି ରାଜ୍ୟ ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରୁଥିଲେ । ଭାରତ ଚାହୁଁଥିଲା ଆମେରିକାରେ ଜିତନ୍ତୁ ଡୋନାଲ୍ଡ ଟ୍ରମ୍ପ । ଭାରତର କେବଳ ଗୋଟିଏ ରାଜ୍ୟ ଚାହୁଁଥିଲା କମଲା ହାରିସ ହୁଅନ୍ତୁ ରାଷ୍ଟ୍ରପତି । ଆଉ ସେହି ରାଜ୍ୟ ହେଉଛି ତାମିଲନାଡୁ । ଭାରତୀୟ ବଂଶୋଦ୍ଭବ କମଲା ହାରିସ ଜିତନ୍ତୁ ବୋଲି ଚାହୁଁଥିଲା ତାମିଲନାଡୁ । ଗୁଗୁଲ ସର୍ଚ୍ଚ ମ୍ୟାପ ଗୁଗୁଲ ଟ୍ରେଣ୍ଡ୍ସରୁ ଏହି ତଥ୍ୟ ଜଣାପଡ଼ିଛି । ହାରିସଙ୍କ ପୈତୃକ ଗାଁ ତାମିଲନାଡୁ ତିରୁଭରୁର ଜିଲା ତୁଲାଷେନ୍ଦ୍ରପୁରମ ଗାଁରେ ପୂଜାର୍ଚ୍ଚନା ହେଉଥିଲା । ଟ୍ରମ୍ପଙ୍କ ପାଇଁ ମଧ୍ୟ ଭାରତରେ ଅନକେ ଜାଗାରେ ପୂଜାର୍ଚ୍ଚନା ହେଉଥିଲା ।
