ଲୋକମାନେ ଭାବନ୍ତି ଟେକ୍ନୋଲୋଜି ଦୃଷ୍ଟିରୁ ଚାଇନା ଏବଂ ଜାପାନ ହେଉଛି ସବୁଠାରୁ ଆଧୁନିକ ଦେଶ ଏବଂ ସେଠାରେ ଯେଉଁ ପ୍ରକାରର ଉଦ୍ଭାବନ କରାଯାଇପାରିବ ତାହା ଅନ୍ୟ କେଉଁଠାରେ କରାଯାଇପାରିବ ନାହିଁ। କିନ୍ତୁ ଆମ ଭାରତ ମଧ୍ୟ ଉଦ୍ଭାବନ ଦୃଷ୍ଟିରୁ କୌଣସି ଦେଶର ପଛରେ ନାହିଁ। ଏଠାକାର ଲୋକମାନେ ଏତେ ବୁଦ୍ଧିମାନ ଯେ, ସେମାନେ କିଛି ବି କରିପାରନ୍ତି। ଏକ ଭାଇରାଲ ଭିଡିଓରୁ ଆପଣ ଏହାର ପ୍ରମାଣ ପାଇବେ। ଯେଉଁଥିରେ ଜଣେ ବ୍ୟକ୍ତି ରାସ୍ତାରେ ଏକ ଅଜବ ବାଇକ୍ ଚଲାଉଥିବାର ଦେଖିବାକୁ ମିଳିଛି। ପ୍ରଥମ ଦେଖାରେ ଏହାକୁ ଦେଖି ଭାବିବେ ଏହା ଏକ ବାଇକ୍ କିମ୍ବା ସାଇକେଲ ଚକ।
View this post on Instagram
ଗୁଜରାଟର ସୁରଟ ସହର ସମ୍ବନ୍ଧୀୟ ଭିଡିଓ ଇନ୍ଷ୍ଟାଗ୍ରାମ ଆକାଉଣ୍ଟ @iamsuratcity ରେ ପୋଷ୍ଟ କରାଯାଇଛି। ଯେଉଁଥିରେ ଏକ ଅଜବ ମୋଟରସାଇକେଲ ଚାଲୁଥିବାର ଦେଖାଯାଉଛି। ଏହା ଏକ ସାଧାରଣ ମୋଟରସାଇକେଲ ନୁହେଁ, କିନ୍ତୁ ଏପରି ଭାବରେ ଡିଜାଇନ କରାଯାଇଛି ଯେ, ଏହା ସାଇକେଲ ଚକ ପରି ଦେଖାଯାଉଛି। ଭିଡିଓଟି ସୁରଟରୁ ବୋଲି କୁହାଯାଉଛି।
ଭିଡିଓରେ ଏହି ବାଇକ୍ର ବଡ଼ ଚକ ତଳେ ଏକ ଅଧା ଲୁହା ଚକ ଅଛି ଏବଂ ଜଣେ ବ୍ୟକ୍ତି ଏହାର ମଝିରେ ବସିଛନ୍ତି। ଗାଡ଼ିର ହ୍ୟାଣ୍ଡେଲ, ଫୁଟ୍ରେଷ୍ଟ ଏବଂ ସିଟ୍ ମଝିରେ ତିଆରି ହୋଇଛି। ସେ ସେହି ଗାଡ଼ିଟିକୁ ସ୍କୁଟର ଭଳି ଚଲାଉଛନ୍ତି। ଏହା ଆଗକୁ ବଢୁଥିବା ବେଳେ ସମଗ୍ର ଚକଟି ଗୋଲାକାର ଭାବେ ଘୂରୁଛି।
ଏହି ଭିଡିଓକୁ ଲକ୍ଷାଧିକ ଲୋକ ଦେଖିସାରିଥିବା ବେଳେ ଅନେକ ଲୋକ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, ଏହା ଏକ ନିଆରା ବାଇକ୍ କିନ୍ତୁ ବର୍ଷା ହେଲେ ପରିସ୍ଥିତି କ’ଣ ହେବ। ସେହିପରି ଆଉ ଜଣେ କହିଛନ୍ତି, ଲାଗୁଛି ଏହି ବ୍ୟକ୍ତି ଜଣେ ସମୟ ଭ୍ରମଣକାରୀ। ଅନ୍ୟ ଜଣେ କହିଛନ୍ତି, ଏହା ହେଉଛି ୨୦୫୦ ବର୍ଷ ପାଇଁ ଆକ୍ଟିଭା ସ୍କୁଟି। ଆଉ ଜଣେ ୟୁଜର ମଜାଳିଆ ଢଙ୍ଗରେ କହିଛନ୍ତି ଯେ, ‘ମ୍ୟାନ୍ ଇନ୍ ବ୍ଲାକ୍’ ଫିଲ୍ମ ଦ୍ୱାରା ଅନୁପ୍ରାଣିତ ଏକ ସ୍କୁଟି।
