ବର୍ତ୍ତମାନ ଦିଲ୍ଲୀ ମେଟ୍ରୋ ଚର୍ଚ୍ଚାରେ ରହିଛି। ସୋସିଆଲ ମିଡିଆରେ ଏହାର ସେବା ଅପେକ୍ଷା କିଛି ଯାତ୍ରୀଙ୍କ ଅଜବ କାଣ୍ଡ ଚର୍ଚ୍ଚାରେ ରହିଛି। ବର୍ତ୍ତମାନ ଏପରି ଏକ ଭିଡିଓ ଭାଇରାଲ ହେଉଛି, ଯାହାକୁ ନେଇ ୟୁଜର୍ସ ତାଙ୍କ ପ୍ରତିକ୍ରିୟାରେ ଅସନ୍ତୋଷ ବ୍ୟକ୍ତ କରିଛନ୍ତି। କାରଣ ନାଚ, ଗୀତ ଏବଂ ରୋମାନ୍ସ ପରେ, କେହି ଭାବି ନଥିଲେ ଯେ ମେଟ୍ରୋରେ ଏଭଳି ଘଟଣା ଦେଖିବାକୁ ମିଳିିବ।
ତେବେ ଆପଣ ଭାବୁଥିବେ ଯେ, ଏ ଭିଡିଓରେ ଏପରି କ’ଣ ଅଛି ଯେ ଯାହାକୁ ନେଇ ଏତେ ଚର୍ଚ୍ଚା। ଏହି ଭିଡିଓରେ ଜଣେ ଯୁବତୀ ଟ୍ରେନ୍ରେ ବସିଥିବା ବେଳେ ଜଣେ ଯୁବକ ତାଙ୍କ ପାଟିରେ କିଛି ପାନୀୟ ଢାଳୁଛନ୍ତି। ପରେ ଯୁବତୀ ଜଣଙ୍କ ଉକ୍ତ ପାନୀୟକୁ ଯୁବକଙ୍କ ପାଟିରେ ଦେଉଛନ୍ତି। ପରେ ଯୁବକ ତାଙ୍କୁ, ଶେଷରେ ଯୁବତୀଙ୍କ ପାଟିର ଉକ୍ତ ପାନୀୟକୁ ପିଇ ଦେଉଛନ୍ତି। ଏହି ହାସ୍ୟାସ୍ପଦ ଘଟଣାକୁ ଦେଖି ମେଟ୍ରୋ କୋଚରେ ବସିଥିବା ଯାତ୍ରୀମାନେ ନାପସନ୍ଦ କରିଥିଲେ।