Categories: ଫୁରସତ

‘ଜାରା’ ବ୍ରାଣ୍ଡର ଏହି ସ୍ବେଟରକୁ ଦେଖି ଲୋକେ କହୁଛନ୍ତି ‘ଚିରା କପଡ଼ା’: ଦାମ ଦେଢ଼ ହଜାରରୁ ଅଧିକା

ଶୀତ ଆସିଲେ ସ୍ବେଟର ଖୋଜାପଡେ। ପୁରୁଣା ପିନ୍ଧିବାକୁ ମନ ନହେଲେ ଟ୍ରେଣ୍ଡ ଅନୁଯାୟୀ କିଣିବାକୁ ହୁଏ। ହେଲେ ଜଣେ ଯୁବତୀ ଏକ ଅଜବ ସ୍ବେଟର ପିନ୍ଧି ଚର୍ଚ୍ଚାକୁ ଆସିଛନ୍ତି। ଆପଣ ଯଦି ତାହା ଦେଖିବେ କାହିଁକି ସେ ଶୀତବସ୍ତ୍ରଟିକୁ ପିନ୍ଧିଛନ୍ତି ଭାବିବେ। ତାହା ଏକ ଆର୍ମ ଓ୍ବାର୍ମର ସ୍ବେଟର ବୋଲି ଜଣାପଡ଼ିଛି। ୨୦୨୦ର ସବୁଠାରୁ ଖରାପ ଫ୍ୟାଶନ୍‌ ତାଲିକାରେ ସ୍ବେଟରକୁ ସାମିଲ କରାଯାଇଛି।

ଫ୍ୟାଶନ ବ୍ରାଣ୍ଡ ‘ଜାରା’ ପକ୍ଷରୁ ସ୍ବେଟରଟିକୁ ପ୍ରସ୍ତୁତ କରାଯାଇଛି। ଏହା କେବଳ ହାତରେ ପିନ୍ଧି ହୁଏ। ନୃତ୍ୟଶିଳ୍ପୀମାନେ ଏଭଳି ପୋଷାକ ପୂର୍ବରୁ ପିନ୍ଧି ଆସୁଥିଲେ। ହେଲେ ଏବେ ଏହା ଶୀତଦିନିଆ ଟ୍ରେଣ୍ଡ ପାଲଟିଲାଣି। ବଜାରରେ ଏହାର ଦାମ

୧୫୦୦ଟଙ୍କାରୁ ଅଧିକ ରହିଛି। ଦେଖିବାକୁ ଚିରା କପଡ଼ା ଭଳି ଲାଗୁଥିଲେ ହେଁ କିଛି ଲୋକ ଏହାକୁ ପସନ୍ଦ କରୁଛନ୍ତି। ସ୍ବେଟରକୁ ପିନ୍ଧି ଅନେକ ଫଟୋ ମଧ୍ୟ ସୋସିଆଲ ପୃଷ୍ଠାରେ ଅପ୍‌ଲୋଡ୍‌ କରୁଛନ୍ତି। ଏହା ବେଶ୍‌ ଭାଇରାଲ ହେଉଛି।

Share