ଭାଲୁଠୁ ବାଇକ୍‌ ଚାଳକଙ୍କୁ ରକ୍ଷା କଲେ ବୁଲା କୁକୁର
8:33 pmMarch 25, 2021March 25, 2021 / 55

ସଜନାଗଡ଼, ୨୫।୩(ଡି.ଏନ.ଏ.)- ଖାଦ୍ୟ ଅନ୍ବେଷଣରେ ବନ୍ୟଜନ୍ତୁ ଏବେ ସହରମୁହାଁ। ବାଲେଶ୍ୱର ଜିଲା ନୀଳଗିରି ବ୍ଲକ ସ୍ବର୍ଣ୍ଣଚୂଡ଼ ସଂରକ୍ଷିତ ଜଙ୍ଗଲରୁ ବୁଧବାର ମଧ୍ୟରାତ୍ରରେ ଏକ ଭାଲୁ ଚାଲିଆସି ସହର ମୁଖ୍ୟ ରାସ୍ତାରେ ଚଳପ୍ରଚଳ କରୁଥିବା ଦେଖିବାକୁ ମିଳିଥିଲା।

ସହର ମେଡ଼ିକାଲ ରୋଡ୍‌ରେ ଅବାଧରେ ବିଚରଣ କରୁଥିବା ବେଳେ ଭାଲୁ ଜଣେ ବାଇକ୍‌ ଆରୋହୀଙ୍କୁ ଦେଖି ଆକ୍ରମଣ ଉଦ୍ୟମ କରିବା ପୂର୍ବରୁ କିଛି ବୁଲା କୁକୁର ମିଶି ଭାଲୁକୁ ଘଉଡ଼ାଇ ଦେଇଥିଲେ। ଭାଲୁ ଭୟଭୀତ ହୋଇ ମେଡ଼ିକାଲ ରୋଡ୍‌ରେ ଦୌଡ଼ିଯାଇ ଉପଜିଲାପାଳଙ୍କ ଅଫିସ୍‌ ପରିସରକୁ ପଶିଯାଇଥିଲା। ପରେ ଭାଲୁଟି ଜଙ୍ଗଲ ଅଭିମୁଖେ ପଳାଇଯାଇଥିଲା।