ପାଟନା,୨୦।୧୦: ବିହାର ଭୋଜପୁରର ଏକ ସ୍କୁଲ୍ରେ ପରୀକ୍ଷା ଚାଲିଥିବା ବେଳେ ଜଣେ ୧୨ ବର୍ଷୀୟ ପଞ୍ଚମ ଶ୍ରେଣୀର ଛାତ୍ର ଷଷ୍ଠ ଶ୍ରେଣୀରେ ପଢ଼ୁଥିବା ତାଙ୍କ ଭଉଣୀଙ୍କ ପାଖକୁ ଏକ କପି ପକାଇଥିଲେ। ଉକ୍ତ କପି ଅନ୍ୟ ଜଣେ ଛାତ୍ରୀଙ୍କ ଉପରେ ପଡ଼ିଥିଲା। ଉକ୍ତ ଛାତ୍ରୀ କପିକୁ ପ୍ରେମପତ୍ର ଭାବି ପରୀକ୍ଷା ପରେ ତାଙ୍କ ଭାଇମାନଙ୍କୁ କହିଦେଇଥିଲେ। ଉକ୍ତ ଛାତ୍ରୀଙ୍କ ଭାଇ ଅନ୍ୟମାନଙ୍କ ସହ ମିଶି ଛାତ୍ର ଜଣକୁ ଅତି ବୀଭତ୍ସ ଭାବେ ହତ୍ୟା କରିଥିବା ଜଣାପଡ଼ିଛି। ସେମାନେ ଛାତ୍ରଙ୍କ ମୁଣ୍ଡ, ଗୋଡ଼, ହାତକୁ ହାଣି ଅଲଗା କରିଦେଇଛନ୍ତି। ରେଳ ଧାରଣା ନିକଟରୁ ଛାତ୍ରଙ୍କ ଖଣ୍ଡବିଖଣ୍ଡିତ ମୃତଦେହ ମିଳିଛି। ପୋଲିସ ମୃତଦେହକୁ ଜବତ କରି ତଦନ୍ତ ଚଳାଇଛି। ହତ୍ୟାକାଣ୍ଡରେ ସମ୍ପୃକ୍ତ ଛାତ୍ରୀଙ୍କ ଭାଇ ଓ ତାଙ୍କ ସାଙ୍ଗମାନଙ୍କୁ ପୋଲିସ ଗିରଫ କରିଛି।
