କାନପୁର, ୧୨।୧୦: ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମୁଲାୟମ ସିଂ ଯାଦବଙ୍କ ପରଲୋକରେ ମ୍ରିୟମାଣ ହୋଇ ତାଙ୍କର ଜଣେ ସମର୍ଥକ ଆତ୍ମହତ୍ୟା କରିଥିବା ଜଣାପଡ଼ିଛି। ସେ ହେଲେ କାନପୁରର ରାଜେଶ କୁମାର ଯାଦବ। ରାଜେଶ ଜାମସେଦପୁରରେ ଶ୍ରମିକ ଭାବେ କାର୍ଯ୍ୟ କରୁଥିଲେ। ସୋମବାର ସେ ଘରକୁ ଫେରି ମୁଲାୟମଙ୍କ ମୃତ୍ୟୁ ବାବଦରେ ଜାଣିଥିଲେ। ଏଥିରେ ସେ ଭାଙ୍ଗିପଡ଼ି ପାଣ୍ଡୁ ନଦୀକୁ ଡେଇଁ ଆତ୍ମହତ୍ୟା କରିଥିବା ରାଜେଶଙ୍କ ସ୍ତ୍ରୀ କହିଛନ୍ତି। ଅନ୍ୟପକ୍ଷେ ରାଜେଶ ମୁଲାୟମ ସିଂଙ୍କ ଜଣେ ବଡ଼ ପ୍ରଶଂସକ ଥିବା ତାଙ୍କ ଭାଇ ଅମର ବାହୁଦୁର ଗଣମାଧ୍ୟମକୁ କହିଛନ୍ତି।