ରିଆମାଳ,୩୧ା୭(ଡି.ଏନ୍.ଏ.): ଦେବଗଡ଼ ଜିଲା ରିଆମାଳରେ ବାଘ ଆତଙ୍କ। ଏକ କଲରାପତରିଆ ବାଘ ରିଆମାଳ-ରାମପାଲି ରାସ୍ତା କ୍ରସର ଆଗରେ ଶନିବାର ସନ୍ଧ୍ୟାରେ ଦେଖାଯାଇଥିଲା। କାରରେ ଯାଉଥିବା କିଛି ଲୋକ ଫଟୋ ଉଠାଇ ପୋଲିସକୁ ଦେଇଥିଲେ। ରିଆମାଳ ଥାନାଧିକାରୀ ଲଳିତା ପ୍ରଧାନ ଏ ସମ୍ପର୍କରେ ବନ ବିଭାଗକୁ ଜଣାଇଛନ୍ତି। ପୋଲିସ କର୍ମଚାରୀଙ୍କୁ ପଠାଇଛନ୍ତି। ଖବର ପାଇ ରେଞ୍ଜର ନିରଞ୍ଜନ ଧରୁଆ ସଦଳବଳ ପହଞ୍ଚି ପାଟ୍ରୋଲିଂ କରୁଛନ୍ତି। ତେବେ ଏହି ରାସ୍ତାରେ ଲୋକମାନଙ୍କୁ ଯିବା ପାଇଁ ମନା କରାଯାଇଛି। ଜଙ୍ଗଲକୁ ଯିବା ବି ବାରଣ ରହିଛି। ଏହି ଖବର ଚାରିଆଡ଼େ ପ୍ରଚାରିତ ହୋଇଯିବାରୁ ଲୋକେ ଭୟଭୀତ ଅବସ୍ଥାରେ ରହିଛନ୍ତି।