ପଟାଙ୍ଗି,୨୦ା୫(ଶରତ ଧଳ): ଭାରସାମ୍ୟ ହରାଇ ଏକ ନଡ଼ିଆ ବୋଝେଇ ମିନି ଟ୍ରକ୍ ଗଛରେ ପିଟି ହେବାରୁ ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ୟୁ ଘଟିଛି। ତାଙ୍କ ବାମ ଗୋଡ଼ ସମ୍ପୂର୍ଣ୍ଣ କଟିଯାଇଛି। ସୋମବାର ଭୋର୍ରୁ ଏହି ଦୁର୍ଘଟଣା ଘଟିଥିବା ବେଳେ ଜାତୀୟ ରାଜପଥର ଉଭୟ ପାର୍ଶ୍ୱରେ ଶତାଧିକ ଗାଡ଼ି ଅଟକି ରହିଥିଲା।
ଆନ୍ଧ୍ରରୁ ନଡ଼ିଆ ବୋଝେଇ ଏକ ମିନି ଟ୍ରକ୍ ନଂ ଏପି ୦୭ ଟିଜି ୯୭୫୯ ଓଡ଼ିଶାର ଶେମିଳିଗୁଡ଼ା ଅଭିମୁଖେ ଯାଉଥିବା ସମୟରେ କୋରାପୁଟ ଜିଲା ପଟ୍ଟାଙ୍ଗି ଥାନା ଅନ୍ତର୍ଗତ ପୁକାଲି ଛକ ନିକଟରେ ଏହି ଦୁର୍ଘଟଣା ଘଟିଛି।
ଅନ୍ୟପକ୍ଷରେ ଉକ୍ତ ଦୁର୍ଘଟଣାରେ ମିନି ଟ୍ରକ୍ର ହେଲ୍ପର ଗୁରୁତର ହୋଇଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ହେଲପରଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇ ଥିବାବେଳେ ଉଭୟ ପାର୍ଶ୍ୱରେ ଅଟକି ରହିଥିବା ସମସ୍ତ ଗାଡ଼ି ଚଳାଚଳକୁ ସ୍ବାଭାବିକ କରିଥିଲା। ତେବେ ମୃତ ଡ୍ରାଇଭର ଏବଂ ଗୁରୁତର ହେଲପରଙ୍କ ପରିଚୟ ଲେଖାହେବା ସୁଦ୍ଧା ଜଣାପଡ଼ିନାହିଁ।