ରାୟଗଡ଼ା ଅଫିସ,୨୭।୧: ରାୟଗଡ଼ା ବ୍ଲକ୍ ଲାଡା ଗ୍ରାମ ନିକଟରେ ବୁଧବାର ସକାଳେ ଶର୍ଟ ସର୍କିଟ ଯୋଗୁ ଏକ କୋଇଲା ବୋଝେଇ ଟ୍ରକ୍ରେ ନିଅଁା ଲାଗିଯାଇଥିଲା। ତେବେ ଚାଳକଙ୍କ ଉପସ୍ଥିତ ବୁଦ୍ଧି ଯୋଗୁ ଏକ ବଡ଼ ଧରଣର ଦୁର୍ଘଟଣା ଏଡ଼ାଇ ଯାଇପାରିଛି। ସୂଚନା ଅନୁଯାୟୀ, ଆନ୍ଧ୍ରପ୍ରଦେଶର ବିଜୟନଗରମ୍ରୁ ଛତିଶଗଡ଼ ଯାଉଥିବା କୋଇଲା ବୋଝେଇ ଟ୍ରକ୍(ନଂ.ସିଜି ୦୪ ଏମ୍ଏମ୍ ୪୩୦୮)ର ଇଞ୍ଜିନ ତାର ଶର୍ଟ ସର୍କିଟ ଯୋଗୁ କ୍ୟାବିନ୍ରେ ନିଆଁ ଲାଗିଯାଇଥିଲା। ଏହା ଦେଖି ଚାଳକ ତୁରନ୍ତ ଗାଡ଼ିରୁ ଡେଇଁପଡ଼ିବା ସହ ଶେଷଖାଲ ଥାନାକୁ ଖବର ଦେଇଥିଲେ। ପୋଲିସଠାରୁ ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା। ଟ୍ରକ୍ରେ ଥିବା କୋଇଲା ସାମାନ୍ୟ ଜଳିଆସୁଥିବା ବେଳେ ଅଗ୍ନିଶମ ବାହିନୀ ଏହାକୁ ରୋକିବାରେ ସଫଳ ହୋଇଥିବା ଶେଷଖାଲ ଥାନା ଅଧିକାରୀ ବିଜୟଲକ୍ଷ୍ମୀ ହିକ୍କା ସୂଚନା ଦେଇଛନ୍ତି। ତେବେ ଗାଡ଼ିର ଅନେକ ଅଂଶ ପୋଡ଼ିଯାଇଥିବା ଜଣାପଡ଼ିଛି।