ଗଞ୍ଜାମ,୨୭।୨(ଡି.ଏନ.ଏ): ୧୬ ନମ୍ବର ଜାତୀୟ ରାଜପଥ ଶନିମନ୍ଦିର ଛକ ଠାରେ ସୋମବାର ପାହାନ୍ତିଆ ଭୋରୁ ଏକ ଆଇରନ ବୋଝଇ ଟ୍ରକରେ ନିଆଁ ଲାଗିଯାଇଥିଲା l ଖବର ପାଇ ପେଟ୍ରୋଲିଙ୍ଗ ଦାୟିତ୍ୱରେ ଥିବା ରୋଡ ସେଫଟି ଅଫିସର ପିଏସରେ ଏବଂ ଗଞ୍ଜାମ ଥାନା ପୋଲିସ ଘଟଣା ସ୍ଥଳରେ ପହଂଚି ସଙ୍ଗେ ସଙ୍ଗେ ଫାୟାର ଷ୍ଟେସନକୁ ଫୋନ ଯୋଗେ ଅବଗତ କରିଥିଲେ l ଫଳରେ ଛତ୍ରପୁର ଦମକଳ ବାହିନୀ ଓ ଗ୍ରାସୀମ କମ୍ପାନୀର ଦମକଳ ଗାଡି ଆସି ନିଆଁକୁ ଆୟତ୍ତ କରିଥିଲା l ନିଆଁ ଲାଗି ଗାଡି ଜଳୁଥିବାବେଳେ ୧୬ଟି ଚକ ଫାଟି ପ୍ରଚଣ୍ଡ ଶବ୍ଦ ହୋଇଥିଲା l ଗାଡି ନ ଓଡି୦୭୨୫୪୦ କେନ୍ଦୁଝରଠୁ ଗୋପାଳପୁର ଆଇରନ ପଥର ନେଇ ଯାଉଥିବା ବେଳେ ଗଞ୍ଜାମ ଶନିମନ୍ଦିର ଛକଠାରେ ଚା’ ପିବାକୁ ଗାଡି ରଖିଥିଲେ।ସଟସର୍କିଟ ଯୋଗୁ ଏହି ଘଟଣା ଘଟିଥିବା ଅନୁମାନ କରୁଛି ପୋଲିସ। ଡ୍ରାଇଭର ଗୋବିନ୍ଦ ମହନ୍ତ ଏବଂ ହେଲପର କିରନ ମହାଙ୍କୁଡ ସୁସ୍ଥ ଥିବା ଜଣା ପଡିଛି l
