କାମସାରି ଫେରୁଥିଲେ ଅଙ୍ଗନଓ୍ବାଡୀ ଦିଦିଙ୍କ ଉପରେ ମାଡ଼ିଗଲା ବସ୍‌

ତୁମୁଡିବନ୍ଧ,୧।୩ (ଦୀପକ କୁମାର ପରାସେଠ): କନ୍ଧମାଳ ଜିଲା ବେଲଘର ଥାନା ଉଷାବାଲି ନିକଟରେ ଅଙ୍ଗନଓ୍ବାବାଡ଼ି ଦିଦିଙ୍କୁ ଏକ ସରକାରୀ ବସ୍‌ ଧକ୍କା ଦେଇଛି। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। ମୃତ ଅଙ୍ଗନବାଡ଼ି ହେଲେ ଉଷାବାଲି ଅଙ୍ଗନବାଡି କେନ୍ଦ୍ରର ସ୍ନେହଲତା ମଝିଆସେଟ (୪୦) । ଶନିବାର ପୂର୍ବାହ୍ନରେ ଏକ ସରକାରୀ ବସ ତାଙ୍କୁ ଧକ୍କା ଦେଇଥିଲା।
ଓ ଆର-୧୨ -୭୦୨୭ ବସ୍‌ ବେଲଘରରୁ ଫୁଲବାଣୀ ଅଭିମୁଖେ ଯାଉଥିବା ସମୟରେ ଉସାବାଲି ଛକ ଠାରେ ଏହି ଦୁର୍ଘଟଣା ଘଟିଛି। ଅଙ୍ଗନବାଡି କର୍ମୀଙ୍କୁ ବସ୍‌ଟି ଧକ୍କା ଦେଇ ଘଟଣାସ୍ଥଳରୁ ଚାଲି ଯାଉଥିବା ବେଳେ ସ୍ଥାନୀୟ ଲୋକ ବସ୍‌ଟିକୁ ଅଟକାଇଥିଲେ। ଏ ନେଇ ତୁମୁଡିବନ୍ଧ ଅଞ୍ଚଳରେ ଉତ୍ତେଜନା ଦେଖାଦେଇଛ। ତୁମୁଡିବନ୍ଧ ଆମ୍ବେଦକର ଛକ ନିକଟରେ ମୃତ ଦେହରଖି ମୃତକଙ୍କ ପରିବାର ଓ ସ୍ଥାନୀୟଲୋକେ, ଅଙ୍ଗନଓ୍ବାଡ଼ୀ ସଂଘ ରାସ୍ତା ଅବରୋଧ କରିଛନ୍ତି। ତୁମୁଡିବନ୍ଧ ପୋଲିସ ବେଲଘର ପୋଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି। ତୁମୁଡିବନ୍ଧ ଅତିରିକ୍ତ ତହସିଲଦାର ସୁନୀଲ ନାୟକ ଘଟଣାସ୍ଥଳରେ ପହଞ୍ଚି ରାସ୍ତାରୋକ କରିଥିବା ପରିବାର ଓ ଗ୍ରାମବାସୀଙ୍କୁ ବୁଝାସୁଝା କରିଥିଲେ ମଧ୍ୟ ଆନ୍ଦୋଳନ ହଟି ନ ଥିଲା।