ମା’ବାପା ବିଶ୍ୱାସର ସହ ନିଜ କୋମଳମତି ଶିଶୁମାନଙ୍କୁ ପ୍ଲେ ସ୍କୁଲରେ ଛାଡୁଛନ୍ତି। ସେଠାରେ ନିଜ ଶିଶୁମାନେ ଭଲରେ ରହିବା ସହ ଭଲ କଥା ଶିଖିବେ ବୋଲି ସବୁ ମା’ବାପା ଚାହାନ୍ତି। ମାତ୍ର ଏମିତି ଏକ ଭିଡିଓ ଏବେ ସମ୍ମୁଖକୁ ଆସିଛି ଯାହାକୁ ଦେଖିବା ପରେ ପ୍ଲେ ସ୍କୁଲର ପୋଲ୍ ଖୋଲିଯାଇଛି। ଏହି ଭିଡିଓଟି ଚାଇନାର ଏକ ସ୍କୁଲର। ଶିଶୁମାନେ ଶୋଇଥିବା ବେଳେ ଜଣେ ଶିକ୍ଷୟିତ୍ରୀ ଆସୁଛନ୍ତି। ଶୋଇଥିବା ଜଣେ ଶିଶୁକୁ ଉଠାଇନେଇ ଟେକି କଚାଡି ଦେବାସହ ତାକୁ ନିର୍ଦ୍ଧୁମ ବାଡ଼ାଉଥିବା ଦେଖିବାକୁ ମିଳୁଛି। ସିସିଟିଭିରେ ଏହି ସମସ୍ତ ଘଟଣା କଏଦ ହୋଇଛି। ମାତ୍ର ଶିକ୍ଷୟିତ୍ରୀଙ୍କ ମାଡ଼ ଦ୍ୱାରା ଶିଶୁର ମୁହଁ ଖଣ୍ଡିଆ ହୋଇଯିବାରୁ ଏହି ସମସ୍ତ ଘଟଣା ସମ୍ମୁଖକୁ ଆସିଛି। ଶିଶୁର ବାପା ଥାନାରେ ଅଭିଯୋଗ କରିବା ପରେ ସିସିଟିଭ ଯାଞ୍ଚ କରାଗଲା। ଏହା ପରେ ଶିକ୍ଷୟିତ୍ରୀଙ୍କ କାରନାମା ଜଣାପଡ଼ିଛି। ପୋଲିସ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଜଣାପଡ଼ିଛି।