ନୂଆଦିଲ୍ଲୀ,୨୬।୭: ଭାରତୀୟ ଟିମ୍ର ପୂର୍ବତନ ତାରକା ବ୍ୟାଟ୍ସମ୍ୟାନ୍ ଯୁବରାଜ ସିଂହଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି। ତାଙ୍କ ମା’ ଶବନମ ସିଂହଙ୍କୁ ଧମକ ଦେବା ଘଟଣାରେ ଜଣେ ମହିଳାଙ୍କୁ ଗିରଫ କରାଯାଇଛି। ମହିଳାଜଣଙ୍କ ତାଙ୍କୁ ମିଥ୍ୟା କେସ୍ରେ ଫସାଇଦେବାକୁ ଧମକ ଦେଇ ୪୦ ଲକ୍ଷ ଟଙ୍କା ଦାବି କରିଥିଲେ। ଏହି ମାମଲାରେ ଡିଏଲ୍ଏଫ୍ ଫେଜ୍ ୧ ଥାନାରେ ମାମଲା ରୁଜୁ କରାଯାଇଥିଲା। ପୋଲିସ ଘଟଣାର ତଦନ୍ତ କରି ଅଭିଯୁକ୍ତ ମହିଳାଙ୍କୁ ୫ ଲକ୍ଷ ନେଉଥିବା ବେଳେ ଗିରଫ କରିଛି। ସେ ହେଲେ ହେମା କୌଶିକ ଓରଫ ଡିମ୍ପି।
ସୂଚନାନୁଯାୟୀ, ଯୁବରାଜଙ୍କ ସାନ ଭାଇ ଜୋରାବର ସିଂହ ଦୀର୍ଘଦିନରୁ ମାନସିକ ଅବସାଦ ରୋଗରେ ପୀଡ଼ିତ। ୨୦୨୨ରେ ତାଙ୍କ ଲାଗି ମହିଳାଙ୍କୁ କେଆରଟେକର୍ ଭାବେ ରଖାଯାଇଥିଲା। ହେଲେ ବ୍ୟବହାର ଠିକ୍ ନ ଲାଗିବାରୁ ୨୦ ଦିନ ପରେ ତାଙ୍କୁ ଚାକିରିରୁ ବାହାର କରି ଦିଆଯାଇଥିଲା। ୨୦୨୩ରେ ହେମା ତାଙ୍କ ପରିବାର ଏବଂ ପୁଅଙ୍କୁ ମିଥ୍ୟା କେସ୍ରେ ଫସାଇ ଦେବାକୁ ଧମକ ଦେଉଥିଲେ। ଏପରିକି ଛବି ଖରାପ କରିବାକୁ ଧମକ ଦେଇ ୪୦ ଲକ୍ଷ ଦାବି କରିଥିଲେ।