ଦୁନିଆରେ ଏପରି ଚମତ୍କାର ଅଛି, ଯାହା ଲୋକଙ୍କ ଚିନ୍ତାଧାରା ବାହାରେ। ସମସ୍ତେ ଜାଣନ୍ତି ଜଣେ ମାନବ ସନ୍ତାନ ୯ ମାସ ପର୍ଯ୍ୟନ୍ତ ମାତୃ ଗର୍ଭରେ ରହି ତା’ପରେ ଜନ୍ମ ଗ୍ରହଣ କରେ। କେତେକ ବିଶେଷ ପରିସ୍ଥିତିରେ ପିଲାମାନେ ୭ ମାସରେ ମଧ୍ୟ ଜନ୍ମ ହୁଅନ୍ତି। କିନ୍ତୁ ଜଣେ ମହିଳା ୧୩ ମାସ ମଧ୍ୟରେ ୪ ସନ୍ତାନ ଜନ୍ମ ଦେଇ ଡାକ୍ତର ତଥା ସାଧାରଣ ଲୋକଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି। ସେ ଦୁଇଥର ଯାଆଁଳା ସନ୍ତାନ ଜନ୍ମ ଦେଇଥିଲେ। ଏହି ବିଶେଷ ପରିସ୍ଥିତିକୁ ‘ମୋମୋ ଟ୍ବିନ୍ସ’ କୁହାଯାଏ।
ଆମେରିକାର ଜଣେ ମହିଳା ୧୩ ମାସ ମଧ୍ୟରେ ଦୁଇଥର ଯାଆଁଳା ଶିଶୁ ଜନ୍ମ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି। ଏହି ‘ମୋମୋ ଟ୍ବିନ୍ସ’ରେ ଉଭୟ ମା’ ଏବଂ ଶିଶୁଙ୍କ ଜୀବନ ବିପଦରେ ରହିଥାଏ। ବ୍ରିଟିନି ଏବଂ ଫ୍ରାଙ୍କି ଅଲ୍ବାଙ୍କ ପ୍ରଥମ ଯାଆଁଳା ଶିଶୁ ଏକ ବର୍ଷ ତଳେ ଆଲାବାମାର ଟସ୍କାଲୋସାଠାରେ ଜନ୍ମଗ୍ରହଣ କରିଥିଲେ। ୬ ମାସ ପରେ ବ୍ରିଟିନି ପୁଣି ଯାଆଁଳା ଶିଶୁ ଜନ୍ମ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲେ।
ବ୍ରିଟିନି ପ୍ରଥମେ ଯାଆଁଳା ପୁଅ ଲେଭି ଏବଂ ଲୁକାଙ୍କୁ ଜନ୍ମ ଦେଇଥିଲେ ଏବଂ ଛଅ ମାସ ପରେ ସେ ଯାଆଁଳା ଝିଅ ଲିଡିଆ ଏବଂ ଲିଲିଙ୍କୁ ଜନ୍ମ ଦେଲେ। ଦ୍ୱିତୀୟ ଗର୍ଭଧାରଣ ଅତ୍ୟନ୍ତ ଦୁର୍ଲଭ ଥିଲା। ଏହା ବିପଦ ମଧ୍ୟ ଅଧିକ ଥିଲା। ସେଥିପାଇଁ ବିଶେଷ ସତର୍କତା ଆବଶ୍ୟକ ପଡ଼ିଥିଲା। ସେଥିପାଇଁ ବ୍ରିଟିନିଙ୍କୁ ପ୍ରାୟ ୫୦ଦିନ ହସ୍ପିଟାଲରେ ରହିବାକୁ ପଡ଼ିଲା। ଯାହାଫଳରେ ସେ ପ୍ରତ୍ୟେକ ମୁହୂର୍ତ୍ତରେ ନଜର ରଖିପାରିବେ। ବ୍ରିଟିନି କୁହନ୍ତି,ଏହି ଦିନଗୁଡ଼ିକ ବହୁତ ଚ୍ୟାଲେଞ୍ଜ ଥିଲା। ତାଙ୍କ ଜୀବନ ଏବଂ ପିଲାମାନଙ୍କ ଜୀବନ ପ୍ରତି ନିରନ୍ତର ବିପଦ ରହିଥିଲା। କିନ୍ତୁ ଭାଗ୍ୟ ସମର୍ଥିତ ଏବଂ ସବୁକିଛି ଠିକ୍ଠାକ୍ ହୋଇଥିଲା। ତେଣୁ ପରିବାରରେ ଖୁସି ଆସିଥିଲା।