ଚିଲିରେ ଏକ ଅଜବ ଘଟଣା ଘଟିଛି। କରୋନାରେ କାଳରେ ଜଣେ ମହିଳା ମୃତ୍ୟୁ ଦ୍ୱାରା ଏତେ ପ୍ରଭାବିତ ହୋଇଛନ୍ତି ଯେ, ୭୫ ହଜାର ଟଙ୍କା ଖର୍ଚ୍ଚ କରି ନିଜର ଅନ୍ତିମ ସଂସ୍କାର କରିଛନ୍ତି। ଏହି ଅବସରରେ ସେ ସମସ୍ତ ବନ୍ଧୁ, ପରିଜନଙ୍କ ଡାକି ନିଜ ଯୋଜନା ବିଷୟରେ ଅବଗତ କରାଇଥିଲେ। ୫୯ ବର୍ଷୀୟା ମାୟରା ଆଲୋଞ୍ଜୋ ନାମକ ଏହି ମହିଳା ସ୍ୟାଣ୍ଟୋୟାଗୋ ସହରରେ ରୁହନ୍ତି। ସେ ଗତ କିଛିଦିନ ହେବ କରୋନାଜନିତ ମୃତ୍ୟୁ ଦେଖି ଦେଖି ନିଜ ଅନ୍ତିମ ସଂସ୍କାରର ରିହରସାଲ କଥା ଭାବିଥିଲେ। ଏଥିପାଇଁ ପ୍ରଥମେ ବନ୍ଧୁ ଏବଂ ପରିଜନଙ୍କୁ ନିଜ ଯୋଜନା ବିଷୟରେ କହି ବୁଝାଇଥିଲେ। ମାୟରା ଏକ ଧଳା କଫିନ୍ରେ ଧଳା ଡ୍ରେସ୍ ପିନ୍ଧି କିଛି ସମୟ ପାଇଁ ଶୋଇ ରହିଥିଲେ। ଏହି ଅବସରରେ ତାଙ୍କ ବନ୍ଧୁ ଏବଂ ପରିଜନଙ୍କ ଆଖିରୁ ଲୁହ ଆସିଯାଇଥିଲା। ସେମାନେ ମାୟରାଙ୍କ ଉପରେ ଫୁଲ ଚଢାଇଥିଲେ। ମାୟରା କଫିନକୁ ଗୋଟିଏ ଦିନ ପାଇଁ ଭଡାରେ ନେଇଥିଲେ। ଏହାପରେ ସେ କହିଛନ୍ତି ମୋ ସ୍ବପ୍ନ ପୂରଣ ହୋଇଛି। ଏବେ ମୋର ମୃତ୍ୟୁ ପରେ କୌଣସି ଅନ୍ତିମ ସଂସ୍କାରର ଆବଶ୍ୟକତା ନାହିଁ। ମୁଁ ମୋ ଜୀବନରେ ସବୁକିଛି ଦେଖିଲି ବୋଲି ସେ କହିଛନ୍ତି। ମାୟରାଙ୍କୁ ଏହି ନିଷ୍ପତ୍ତି ଯୋଗୁ ସେ ସୋସିଆଲ ମିଡିଆରେ ଏବେ ଚର୍ଚ୍ଚାରେ ଅଛନ୍ତି।
