କ୍ୱିଭ୍,୨୮।୨: ରୁଷିଆ-ୟୁକ୍ରେନ ଯୁଦ୍ଧ ତୀବ୍ର ହେବାରେ ଲାଗିଛି। ରୁଷୀୟ ସୈନ୍ୟମାନଙ୍କ ଦ୍ୱାରା ସହରଗୁଡ଼ିକ ଉପରେ ଆକ୍ରମଣ ଓ ବୋମାମାଡ଼ କରାଯାଉଥିବାରୁ ୟୁକ୍ରେନ ଏବେ ଏକ ତିକ୍ତ ପରିସ୍ଥିତି ସହିତ ମୁକାବିଲା କରୁଛି। ଦୁଇ ଦେଶ ମଧ୍ୟରେ ଚାଲିଥିବା ସଙ୍କଟ ମଧ୍ୟରେ ଅନେକ ଭିଡିଓ ଇଣ୍ଟରନେଟରେ ଭାଇରାଲ ହେବାରେ ଲାଗିଛି, ଯାହା ୟୁକ୍ରେନବାସୀଙ୍କ କଷ୍ଟକୁ ଦର୍ଶାଉଛି। ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ୟୁକ୍ରେନ ମହିଳା ବିସ୍ଫୋରଣରେ କ୍ଷତିଗ୍ରସ୍ତ ହୋଇଥିବା ଘରୁ ଆବର୍ଜନା ସଫା କରୁଥିବାବେଳେ ଦେଶର ଜାତୀୟ ସଙ୍ଗୀତ ଗାନ କରୁଥିବା ଦେଖିବାକୁ ମିଳିବ।
ଏହି ଭିଡିଓରେ, ଅକ୍ସାନା ଗୁଲେଙ୍କୋ ନାମକ ଜଣେ ମହିଳା ତାଙ୍କ ବୋମା ବିସ୍ଫୋରଣ ଘରୁ କାଚ ଖଣ୍ଡ ସଫା କରୁଥିବାବେଳେ ଜାତୀୟ ସଂଗୀତ ଗାନ କରୁଥିବା ଦେଖିବାକୁ ମିଳିଛି। କ୍ଷେପଣାସ୍ତ୍ର ଆକ୍ରମଣ ଦେଶର ରାଜଧାନୀ କ୍ୱିଭ୍ରେ ଥିବା ତାଙ୍କ ଆବାସିକ କୋଠାକୁ ନଷ୍ଟ କରିଦେଇଛି। ଅକ୍ସାନା ‘ଲଙ୍ଗ ଲିଭ ୟୁକ୍ରେନ’ କହି କାନ୍ଦୁଥିବା ଦେଖିବାକୁ ମିଳୁଛି। ତାଙ୍କର ସାହସକୁ ପ୍ରଶଂସା କରାଯାଇଛି।
ରୁଷିଆ ବିରୋଧରେ ୟୁକ୍ରେନର ସଂଗ୍ରାମ ଜାରି ରହିଛି। ଦେଶରୁ ହଜାର ହଜାର ଲୋକ ଅନ୍ୟତ୍ର ଆଶ୍ରୟ ନେବାକୁ ନିଜ ଘର ଛାଡିଛନ୍ତି। ତଥାପି, କିଛି ଲୋକ ଏହି ବିବାଦରେ ଫସି ରହିଛନ୍ତି ଏବଂ ସେମାନେ ବଙ୍କର, ମେଟ୍ରୋ ଷ୍ଟେଶନ ଏବଂ ଅନ୍ୟାନ୍ୟ ସୁରକ୍ଷିତ ସ୍ଥାନରେ ଆଶ୍ରୟ ନେଉଛନ୍ତି।
A woman in Kiev sings Ukraine's national anthem from her bombed apartment as she cleans the leftover shards of glass. pic.twitter.com/HMWCB43nfg
— NEWS ONE (@NEWSONE46467498) February 26, 2022
