![](https://www.dharitri.com/wp-content/uploads/2022/11/Untitled-1-173.jpg)
ଦଶମନ୍ତପୁର,୧୦ା୧୧ ( ଡି.ଏନ.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଲୁଲ୍ଲା ପଞ୍ଚାୟତର କୁଦାଲଅଟାଲ ଗ୍ରାମରେ ଜଣଙ୍କ ଟାଙ୍ଗିଆ ଚୋଟରେ ଜଣେ ମହିଳା ଗୁରୁତର ହୋଇଛନ୍ତି। ଏନେଇ ଦଶମନ୍ତପୁର ଥାନାରେ ଅଭିଯୋଗ ହୋଇଛି l ମହିଳା ଜଣକ ହେଲେ ଗ୍ରାମର ରାମଦାସ ପରଜାଙ୍କ ସ୍ତ୍ରୀ ଦାନିକ। ବୁଧବାର ରାତିରେ ରାମଦାସଙ୍କ ପୁଅ କୁର୍ମଙ୍କ ସହ ଟଙ୍କ ପରଜା ପାଟିତୁଣ୍ଡ କରୁଥିଲେ। କୁର୍ମଙ୍କ ମା ଦାନିକ ବାହାରକୁ ଆସି କାହିଁକି ପାଟିତୁଣ୍ଡ କରୁଛ ବୋଲି କହି ଟଙ୍କଙ୍କୁ ଘରକୁ ଯିବାକୁ କହିଥିଲେ। ଗୁରୁବାର ସକାଳେ ଦାନିକ ମୁହଁ ଧୋଉଥିବା ସମୟରେ ହଠାତ୍ ଟଙ୍କ ଆସି ତାଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ। ସଙ୍ଗେସଙ୍ଗେ ପରିବାର ଲୋକେ ତାଙ୍କୁ ଦଶମନ୍ତପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ କୋରାପୁଟ ସ୍ଥାନାନ୍ତର କରିଥିଲେ। ଘଟଣା ପରେ ଅଭିଯୁକ୍ତ ଟଙ୍କ ଫେରାର ହୋଇଯାଇଥିବା ଜଣାପଡିଛି।