ଯୋଗ ସ୍ବାସ୍ଥ୍ୟ ପକ୍ଷେ ବହୁତ ହିତକର। ମାତ୍ର ଯୋଗ ପାଇଁ ସ୍ଥାନ, କାଳ, ପାତ୍ର ଯଦି ଠିକ୍ ନ ରହିବ ତେବେ ସବୁ ଗଡ଼ବଡ଼ ହୋଇଯିବ। ଏମିତି ଏକ ଘଟଣା ଦେଖିବାକୁ ମିଳିଛି ଯୋଗ କରୁଥିବା ଜଣେ ମହିଳାଙ୍କ କ୍ଷେତ୍ରରେ। ମହିଳା ଜଣକ ସମୁଦ୍ର କୂଳରେ ଯୋଗ କରୁଥିଲେ। ଏହି ସମୟରେ ଏକ ଅଜଣା ଜୀବ ତାଙ୍କ ପଛପଟୁ ଆସୁଥିଲା ଯାହା ସେ ଜାଣି ପାରି ନ ଥିଲେ। ଏହି ଜୀବର ନାମ ଇଗୁଆନା। ସେ ଚୁପି ଚୁପି ଆସି ମହିଳା ଯୋଗ କରୁଥିବା ସମୟରେ ତାଙ୍କ ଅଙ୍ଗୁଳିକୁ କାମୁଡ଼ି ଦେଲା। ଫଳରେ ମହିଳା ଜଣକ ଖୁବ୍ ଜୋର୍ରେ ପାଟି କଲେ। ଏହା ପରେ ତାଙ୍କ ଅଙ୍ଗୁଳିରୁ ରକ୍ତ ଝରିବାରେ ଲାଗିଲା। ସେ ଡାକ୍ତରଙ୍କ ନିକଟକୁ ଯାଇ ମେଡିସିନ୍ ଆଣିଥିଲେ। ଏ ସମସ୍ତ ଘଟଣା ବିଷୟରେ ମହିଳା ଜଣକ ସୋସିଆଲ ମିଡିଆରେ ଶେୟାର କରି ସବିଶେଷ ସୂଚନା ଦେଇଛନ୍ତି।
ସୋସିଆଲ ମିଡିଆରେ ଏହି ଭିଡିଓ ଖୁବ୍ ଭାଇରାଲ ହେଉଛି। ଭିଡିଓଟିକୁ ବର୍ତ୍ତମାନ ସୁଦ୍ଧା ୩୦ ଲକ୍ଷରୁ ଅଧିକ ଲୋକ ଦେଖିସାରିଲେଣି। ଜଣେ ୟୁଜର ଲେଖିଛନ୍ତି, ଯୋଗ ପାଇଁ ସ୍ଥାନ ଖୋଜିବା ବେଳେ ସାବଧାନତା ଜରୁରୀ। ସେହିପରି ଆଉ ଜଣେ ୟୁଜର ଲେଖିଛନ୍ତି, ଯୋଗ ସିନା ସ୍ବାସ୍ଥ୍ୟ ପାଇଁ ହିତକର ମାତ୍ର ଅଜଣା ଜୀବ ଖୁବ୍ ଭୟଙ୍କର। ତେଣୁ ସାବଧାନ!
ଇଗୁଆନା ଏମିତି ଏକ ଜୀବ ଯାହାର ମୁହଁରେ ନେଗେଟିଭ୍ ବ୍ୟାକ୍ଟେରିଆ ରହିଥାନ୍ତି। ଯାହାକି ଆଣ୍ଟିବାୟୋଟିକ୍ ଚିକିତ୍ସାକୁ ପ୍ରଭାବିତ କରିପାରେ। ତେଣୁ ଇଗୁଆନା କାମୁଡ଼ିଲେ ଅଣଦେଖା ନ କରି ତୁରନ୍ତ ଡାକ୍ତରଙ୍କ ପରାମର୍ଶ ନେବା ଜରୁରୀ। ନଚେତ୍ ଏହା ଖୁବ୍ ମହଙ୍ଗା ପଡ଼ିବ।