କରୋନା ସଂକ୍ରମଣଠାରୁ ଦୂରେଇ ରହିବା ପାଇଁ ସମଗ୍ର ବିଶ୍ୱରେ ଲକ୍ଡାଉନ୍ ଜାରି କରାଯାଇଛି। ଏଥିସହ ସାମାଜିକ ଦୂରତ୍ୱ ଏବଂ ମାସ୍କ ବ୍ୟବହାରକୁ ଗୁରୁତ୍ୱ ଦିଆଯାଉଛି। ମାତ୍ର ମାସ୍କ ନ ପିନ୍ଧି ବିମାନରେ ଯାତ୍ରା କରିବା ଜଣେ ମହିଳାଙ୍କୁ ଭାରି ପଡ଼ିଛି। ମହିଳାଜଣଙ୍କ ମାସ୍କ ନ ପିନ୍ଧି ଆମେରିକାରେ ଏୟାରଲାଇନ୍ସରେ ଚଢ଼ିଥିଲେ। ଫଳରେ କ୍ରୁ ମେମ୍ବରମାନେ ତାଙ୍କୁ ବିମାନରୁ ଉହ୍ଲାଇଯିବାକୁ କହିଥିଲେ। ପରେ ମହିଳାଜଣଙ୍କ କିଛି ନ କହି ନିଜ ଲଗେଜ୍ ଧରି ବିମାନରୁ ଓହ୍ଲାଇ ଯାଇଥିଲେ। ସେ ଯିବାବେଳେ ବିମାନରେ ଥିବା ସମସ୍ତ ଯାତ୍ରୀ କରତାଳି ଦେଇଥିଲେ। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।