ଲଟେରି ହେଉଛି ଏକ ଭାଗ୍ୟର ଖେଳ। ଏହା ଏମିତି ଏକ ଖେଳ ଯାହା ମଣିଷକୁ କେତେବେଳେ କୋଟିପତି କରିଦିଏ ତ ଆଉ କେତେବେଳେ ଭିକାରି ସଜାଇ ଦିଏ। ଠିକ୍ ବ୍ରିଟେନରେ ରହୁଥିବା ଗିଲିୟନ ବେଫୋର୍ଡଙ୍କ କ୍ଷେତ୍ରରେ ଏମିତି କିଛି ଘଟିଛି।
ଏକ ରିପୋର୍ଟ ଅନୁଯାୟୀ, ଲଟେରି ବିଜେତା ଗିଲିୟନ ନିଜ ଜୀବନୀକୁ ନେଇ କିଛି କଥା ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଲଟେରି ଯୋଗୁ ସେ ୧୦ଟି ଦାମୀ ଗାଡ଼ି, ବିଳାସମୟ କୋଠା ଏବଂ ଅନ୍ୟ କିଛି ଜିନିଷର ମାଲିକ ହୋଇପାରିଛନ୍ତି। ଗିଲିୟନ ୪୮ ବର୍ଷରେ ପୁଣି ଥରେ ମା’ ହୋଇଛନ୍ତି।
ଗିଲିୟନ ୨୦୧୨ରେ ଏକ ଲଟେରି ଟିକେଟ୍ରେ ୧୩୨୨ କୋଟି ଟଙ୍କା ଜିତି ଐତିହାସିକ ରେକର୍ଡ ସୃଷ୍ଟି କରିଥିଲେ। ଗିଲିୟନ ତାଙ୍କ ସ୍ବାମୀଙ୍କ ସହ ମିଶି ଯେଉଁ ଲଟେରି ଜିତିଥିଲେ ୧୫ ମାସ ପରେ ତାଙ୍କୁ ଛାଡ଼ପତ୍ର ଦେଇ ପ୍ରେମିକଙ୍କୁ ବିବାହ କରିଥିଲେ। ଗିଲିୟନଙ୍କ ସ୍ବାମୀ କାର୍ ପ୍ରେମୀ। ତେଣୁ ସେ ଏହି ଟଙ୍କାରେ ୧୦ଟି କାର୍ କିଣିଥିଲେ। ଏବେ ସ୍ବାମୀ ଆଉ ପିଲାଙ୍କ ସହ ଖୁସି ଜୀବନ ବିତାଉଛନ୍ତି ଗିଲିୟନ।
