
ଭୁବନେଶ୍ୱର,୩୦।୧: ଯାଜପୁର ଜିଲା କୁଆଖିଆ ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ପରିବାର ଲୋକଙ୍କୁ ନିଶା ଦେଇ ନାବାଳିକା ଜଣଙ୍କ ଫେରାର ହୋଇଯାଇଛନ୍ତି। ଏ ଖବର ପ୍ରକାଶ ପାଇବା ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ବାପା, ମାଆ ସହ ୩ ଭଉଣୀ ଭାଇଙ୍କୁ ନିଶା ଦେଇ ଘରୁ ସୁନା ଅଳଙ୍କାର ନେଇ ନାବାଳିକା ଜଣଙ୍କ ଜଣେ ଯୁବକ ସହ ଫେରାର ହୋଇଯାଇଥିବା ସୂଚନା ମିଳିଛି। ଅନ୍ୟପଟେ, ନିଶା ଔଷଧ ଖାଇ ବାପା ମାଆ ସମେତ ଅସୁସ୍ଥ ୫ ଜଣ ଜିଲା ମୁଖ୍ୟ ହସ୍ପିଟାଲରେ ଭର୍ତ୍ତି ହୋଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ନାବାଳିକାଙ୍କୁ ଖୋଜୁଛି।